आजचे पंचांग
गुरुवार,७ ऑगस्ट २०२५,श्रावण शुक्लपक्ष.
तिथी-त्रयोदशी १४|२८
रास-धनु २०|११ नं. मकर
नक्षत्र-पूर्वाषाढा
योग-विष्कंभ ०६|४२
प्रीतियोग २९|३९
करण-तैतिल
दिनविशेष-उत्तम दिवस
मेष - आज त्रयोदशी. विशेष शिव उपासना आपल्याला आज फलदायी ठरेल.संतती सुख, नातवंड सौख्य दोन्हीच्या दृष्टीने दिवस आज चांगला आहे. मनासारख्या घटना घडतील. लांबचे प्रवास होतील.
वृषभ - अडचणींचा सामना करावा लागेल. पण त्याचबरोबर केलेल्या कष्टातून धनप्राप्ती उत्तम होणार आहे.अचानक धनलाभाची शक्यता आहे. दिवस संमिश्र आहे.
मिथुन - विनाकारण मागे लागलेल्या काही कटकटीतून आज मार्ग निघणार आहे. मग त्या कोर्टकचेरी असो कुठेतरी वाद विवाद असो. आपले यश हे समोरच्याला पहावेच लागेल. दिवस चांगला आहे .
कर्क - आपण करत असलेल्या गोष्टींवर विशेष लक्ष केंद्रित करा. कदाचित तुमच्या आजूबाजूला तुमचे वाईट होण्यासाठी लोक टपलेले असतील. याच्यावर मात करून आज जायचे आहे.भावनिकता टाळून आपले कोण आणि परके कोण हे आज ओळखा.
सिंह - नवनवीन गोष्टी करायला आपल्याला कायमच आवडते.आज आपली सृजनशीलता वाढणार आहे. प्रेमामध्ये आपल्या जोडीदाराला भक्कम आधार देण्याची वचने द्याल. त्रयोदशी निमित्त विशेष उपासना आज करावी.
कन्या - पुस्तकांची निगडित विशेष आकर्षण वाढेल. नव्याने खरेदी पुस्तकांसाठी होईल.घरामध्ये काही बदल आज घडणार आहेत. मन आनंदी राहण्यासाठी अनेक गोष्टी कराल. घरी पाहुण्यांचे आगमन होईल.
तूळ - अडचणीच्या काळी आपलेच लोक सांभाळून घेतात. आज शेजाऱ्यांचे विशेष सहकार्य लाभेल. कदाचित तुटक असणारे संबंध आज नव्याने दृढ होतील. आपली नवी ओळख त्यांनाही झाल्यामुळे एक शाब्बासकीची थाप तुम्हाला नक्की मिळणार आहे.
वृश्चिक - अनेक गोष्टी एकट्याने करताना होणारी तारांबळ आपल्या कुटुंबीयांना बघणार नाही. त्यांच्या मदतीने आज तुम्ही पुढे जाल. काही गोष्टी नियोजित पद्धतीने केल्यामुळे त्या सुकर जाणार आहेत. धनाची आवक जावक चांगली राहील.
धनु - एखादा निर्णय घेताना आज दोलायमान होण्याची नक्कीच शक्यता आहे. श्रेयस आणि प्रेयस या दोघांमधील योग्य ती निवड करून कामे केल्यास दिवस सहज राहील. आपला प्रभाव इतरांवर पडेल आणि अभाव निघून जाईल .
मकर - नको असलेल्या गोष्टी काढून टाकण्याचा आजचा दिवस आहेत. मग ती मनातील जळमटे असतील तरी सुद्धा नको तो ताणतणाव घेऊन आज वावरू नका. खर्चाचे व्यवस्थापन नीट करावे.
कुंभ - काही वेळेला जुन्या आठवणीत रमणे ही एक आनंदायी गोष्ट असते. आज तुमच्यासाठी असाच दिवस आहे. जुने मित्र-मैत्रिणी यांच्या गाठीभेटी होतील. त्यांच्या आठवणीमध्ये रमाल. दिवस मनासारखा जाईल.
मीन - आपण इतरांचे केले की देव आपले करतो ही भावना आपली अगदी दृढ आहे.सामाजिक उपक्रमात विशेष सहभाग घ्याल. राजकारणातही खारीचा वाटा उचलाल. आपल्या कार्यक्षेत्रात एकूणच प्रगतीपथावर आज राहण्याचा दिवस आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.