Navpancham Rajyog: 5 एप्रिल रोजी शनी मंगळासोबत बनवणार खास राजयोग; 'या' राशींचा बँक बॅलन्स वाढणार, नशीबही बदलणार

कर्माचा कर्ता शनि सध्या मीन राशीत असून ३० वर्षांनंतर मीन राशीत प्रवेश केला आहे. यावेळी शनीने अनेक राशींना साडेसातीपासून मुक्तता केली आहे. शनी मीन राशीत असल्याने त्याची कोणत्या ना कोणत्या ग्रहाशी युती होत असते. ज्यामुळे अनेक राजयोग निर्माण होतात. ३ दिवसांनी म्हणजेच ५ एप्रिल रोजी शनी मंगळासोबत १२० अंशांवर असणार आहे. ज्यामुळे नवपंचम राजयोग निर्माण होणार आहे.

वैदिक ज्योतिष्य शास्त्रानुसार, जेव्हा मंगळ आणि शनि नवव्या आणि पाचव्या घरात असतात तेव्हा एकमेकांपासून सुमारे १२० अंशांवर असतात तेव्हा नवपंचम राजयोग तयार होतो. 5 एप्रिल रोजी सकाळी 6.31 वाजता नवपंचम राजयोगाची निर्मिती होणार आहे. यावेळी हा राजयोग काही राशींच्या व्यक्तींसाठी लाभदायक ठरणार आहे.

कर्क रास

या राशीच्या लोकांसाठी नवपंचम राजयोग खूप फायदेशीर ठरू शकणार आहे. या राशीच्या लग्नात मंगळ ग्रह स्थित आहे. या राशीच्या लोकांना प्रत्येक क्षेत्रात प्रचंड यश मिळू शकणार आहे. त्यामुळे या राशीच्या व्यक्तींना आर्थिक लाभ मिळू शकतो. तुम्ही मोठा नफा कमवू शकता. कुटुंबात सुरू असलेल्या समस्या संपू शकतात. यातूनच जीवनात आनंद येऊ शकणार आहे.

कुंभ रास

या राशीच्या लोकांसाठी नवपंचम राजयोग देखील फायदेशीर ठरू शकणार आहे. वरिष्ठ अधिकाऱ्यांकडून तसंच सहकाऱ्यांकडून तुम्हाला पूर्ण सहकार्य मिळू शकणार आहे. अशा परिस्थितीत तुम्ही तुमचं ध्येय साध्य करण्यात यशस्वी होऊ शकता. तुम्ही तयार केलेल्या रणनीतीमुळे तुम्ही चांगला नफा कमवू शकता.

तूळ रास

या राशीत मंगळ आणि शनि ग्रहांनी निर्माण केलेला नवपंचम राजयोग खूप शुभ ठरू शकणार आहे. तुम्हाला तुमच्या मेहनतीचं शुभ फळ मिळू शकणार आहे. तुमच्या आयुष्यातील अनेक अडचणी दूर होऊ शकतात. तुम्हाला या काळात कायदेशीर बाबींमध्येही यश मिळू शकणार आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)