Horoscope Today : मेष ते मीन, सप्टेंबरचा शेवटचा दिवस तुमच्या राशीसाठी काय घेऊन आलाय? वाचा आजचे राशीभविष्य...

दैनिक पंचांग - सोमवार ३० सप्टेंबर २०२४. भाद्रपद कृष्णपक्ष. सोमप्रदोष शिवरात्रि. त्रयोदशी श्राध्द. तिथी- त्रयोदशी १७|०७. रास-सिंह. नक्षत्र-पूर्वा. योग-शुभयोग. करण-वणिज. दिनविशेष-त्रयोदशी वर्ज्य.

मेष - आपल्यामध्ये असलेली ऊर्जा आज अजूनच वाढेल. द्रुतगती प्रवास घडतील. वेगाने गाडी चालवावे वाटेल. पण सावध रहा. डोके थंड ठेवून कामे कराल तर योग्य राहील.

वृषभ - आपल्यामधील रसिकता आज बहरेल. कामाबरोबर त्या कामाचा आनंदाने लुटाल. कला क्षेत्रामध्ये प्रगतीचे योग आहेत. सहकाऱ्यांना बरोबर घेऊन वाटचाल कराल.

मिथुन - मैत्रीचे बंध दृढ होतील. आपल्याला इतरांची मदत मिळेल. प्रेमाच्या गोष्टी वाढीस लागतील. नातेवाईकांचे सहकार्य लाभेल.

कर्क - आपल्या स्वभावाचा इतर जण फायदा घेतात, अशी जाणीव आज होईल. मनस्वास्थ्य थोडे खराब राहील. उदास मानसिकता असेल. थोडे अलिप्त राहिलात तर बरे होईल.

सिंह - आपल्या अपेक्षा उंचावतील. कामाला विशेष एक वेग येईल. इतरांवर आपला पडणार आहे आजचा दिवस आपल्यासाठी आहे हे धरून चला. यश तुमचेच आहे.

कन्या - कुटुंबीयांबरोबर वेळ घालवावा असे वाटेल. घरामध्ये पाहुण्यांचे आगमन होईल. जुन्या गोष्टींमध्ये मन रमेल. इतरांना आपलेसे कराल.दिवस चांगला जाईल.

तूळ - जुने रखडलेले पत्रव्यवहार मार्गी लागतील. छोटे प्रवास घडतील. शेजारी मैत्रीपूर्ण वातावरण राहील. नवीन ओळखी होतील. सगळ्यांना समजून घेऊन पुढे वाटचाल कराल.

वृश्चिक - गाई, गुरे, शेती, घर, गाडी याच्या व्यवधानामध्ये रहाल. सगळ्यांसाठी काहीतरी करण्यामध्ये आज आपला दिवस व्यस्त असेल. मातृ सुखाच्या दृष्टीने दिवस चांगला.

धनु - प्रेमाला नवे पंख फुटतील. ठरवलेल्या गोष्टी होताना आज दिसेल. प्रणयामध्ये रंग भराल पैशाची आवक चांगली राहील. उपासनेच्या दृष्टीने दिवस फलदायी आहे.

मकर - अडचणींचा डोंगर वाढता असेल. विनाकारण आपल्यावर आळ येतील. नोकरीमध्ये कष्ट वाढतील. दमणूक आणि धावपळीचा आजचा दिवस आहे.

कुंभ - व्यवसायामध्ये नवीन बदल करावेसे आज वाटेल. याविषयी महत्त्वाच्या बैठका होतील किंवा एखाद्या नवीन दालनामध्ये आपण प्रवेश कराल. प्रगतीच्या दृष्टीने पुढील वाटचाल करा. यामध्ये जोडीदाराचे सुद्धा सहकार्य मिळेल.

मीन - आपल्या भोळेपणाचा फायदा घेतला जाईल. आपल्याला इतर लोकं म्होरके करतील आणि त्यांची कामे साध्य करतील. आजचा दिवस सावधगिरीचा इशारा देणारा आहे. काही गोष्टींना नाही म्हणायला शिका तेच बरे असते.