Rashi Bhavishya : हरतालिका तृतीयेला या राशीच्या सुख-समृद्धीत होणार वाढ, पैशांची होईल बरसात, वाचा राशीभविष्य

दैनिक पंचांग शुक्रवार ६ सप्टेंबर २०२४. भाद्रपद शुक्लपक्ष. हरितालिका तृतीया. तिथी-तृतीया १५|०२. रास-कन्या २३|०१ नं. तुला. नक्षत्र-हस्त. योग-शुक्लयोग. करण-गरज. दिनविशेष-शुभदिवस.

मेष - कर्मचारी वर्गाचे सहकार्य लाभेल. शत्रूप्रीडा नाही. अध्यात्मिक क्षेत्रामध्ये प्रगती होईल. थोड्या आजाराने कटकटी वाढतील पण त्या बाजूला सारून ठेवा. आजचा दिवस याचा विचार करण्याचा नाही.

वृषभ - आर्थिक क्षेत्रामध्ये लाभ होईल. कलाक्षेत्रात संधी लाभेल. कलाकारांना मानसन्मान प्रसिद्धीचे योग आज आहेत. मन रमवण्याचा प्रयत्न कराल. हरतालिका व्रत स्त्रियांनी करावे.

मिथुन - राहत्या जागेचे प्रश्न मार्गी लागतील. वरिष्ठांचे सहकार्य लागेल. एकूण खर्च किती केला याचा हिशोब ठेवता लागेल. खर्चाचे प्रमाण खूप वाढते राहील.

कर्क - जिद्द आणि चिकाटी याच्यामुळे स्वबळावर अनेक गोष्टी जिंकाल. नातेवाईकांचे सहकार्य आपल्याला फायद्याचे ठरेल. शेजाऱ्यांची मदत मिळेल.

सिंह - व्यवसायात नवीन तंत्र मंत्र आणाल.कौटुंबिक जीवनामध्ये समाधान साधण्याचा आजचा दिवस आहे. पैशाचे व्यवहार आज मार्गी लागणार आहेत असे दिसते आहे.

कन्या - तुमचा इतरांवर आज प्रभाव राहणार आहे. ठरवलेली दैनिक कामे योग्यरीत्या मार्गी लागतील. कोणत्याही निर्णय घेताना फक्त दोलायमान स्थिती टाळावी असा आजचा सल्ला आहे.

तूळ - कोणाचेही सहकार्याची अपेक्षा न करता कामाला लागा. काही जणांना आरोग्याच्या तक्रारी जाणवतील. विनाकारण मनस्ताप टाळा.

वृश्चिक - महत्त्वाचे पत्रव्यवहार पार पडणार आहेत. मित्र-मैत्रिणींच्या सहवासाने दिवस दुधात साखर पडणार आहे. दिवस छान राहील.

धनु - तुमचे कार्यक्षेत्र रुंदावणार आहे. मानसन्मान प्रतिष्ठा वाढ. ठरलेल्या गोष्टी मनाप्रमाणे होतील. प्रवास होतील.

मकर - एखादी महत्त्वाची वार्ता समजेल. धार्मिक कार्यामध्ये आपला सहभाग होईल. हरितालिकेची उपासना विशेष फलदायी ठरेल. शिव पार्वतीचा जप करावा.

कुंभ - महत्वाची कामे शक्यतो आज नकोत. प्रवासही टाळावेत. सर्व गोष्टी कामे करताना सावधगिरीने वागावे. अमाप पैसे मिळवण्याच्या नादात शरीर आणि मनाचे नुकसान नको.

मीन - आपल्या मतांविषयी आग्रही रहाल.वैवाहिक जीवनामध्ये सुसंवाद साधता येईल. विवाह उत्सुक उमेदवारांचे विवाह होतील. विशेष आनंदी वार्ता येतील.