Rashi Bhavishya : या राशींच्या व्यक्तींना सापडणार योग्य दिशा, भाग्य राहणार दारात उभे; वाचा आजचे राशीभविष्य

आजचे पंचांग - वार शुक्रवार. २७ सप्टेंबर २०२४. भाद्रपद कृष्णपक्ष. एकादशी श्राध्द. गजगौरी व्रत (हादगा/भोंडला). तिथी-दशमी १३|२१ पर्यंत नं. एकादशी. रास-कर्क. नक्षत्र-पुष्य. योग-शिवयोग. करण-विष्टिकरण. दिनविशेष-१३ नं. चांगला

मेष - नवीन काहीतरी व्यवसायात डील होण्याची आज शक्यता आहे. मातृ सुखाच्या दृष्टीने दिवस छान आहे. चांगल्या बातम्या कानावर येईल. घरामध्ये वातावरण आनंदी असेल.

वृषभ - एक वेगळी ऊर्जा आज जाणवेल. आपण केलेल्या कामाचे पुरेपूर श्रेय आपल्याला मिळेल. पर्यटनाचे योग आहेत इतरांच्या मनात आपल्याविषयी आदर निर्माण होईल.

मिथुन- गुंतवणुकीच्या दृष्टीने दिवस चांगला आहे. मोठ्या मुदतीची गुंतवणूक आज करा. पैशाची आवक जावक चांगली राहील. दिवस सकारात्मक असेल.

कर्क- मनाच्या उंच भराऱ्या आज खऱ्या अर्थाने पूर्ण होतील. मनाप्रमाणे गोष्टी झाल्यामुळे जीवनाकडे बघण्याचा दृष्टिकोन ऊर्जावान असेल. आपल्यात चांगले बदल घडतील. योग्य दिशा मिळतील.

सिंह - थोड्या अडचणी वाढण्याचा आजचा दिवस दिसतो आहे. राजकारणातील लोकांच्या ओळखीमुळे या अडचणीतून तुम्ही सुटाल. पैशाशी निगडित गोष्टींचे व्यवहार करताना चार वेळा विचार करा.

कन्या - मित्र-मैत्रिणी आणि नातेवाईकांबरोबर स्नेहभोजनाचे योग आहेत. सून-जावयांबरोबर चांगले संबंध प्रस्थापित होतील. आपल्या स्वभावाप्रमाणे आपले उमदे आणि खेळीमेळीचे वातावरण तुम्ही ठेवाल.

तूळ - किरकोळ काम करणारे, मध्यस्थी, विक्रेते यांच्यासाठी आजचा दिवस चांगला राहणार आहे. जितके प्रवास कराल, फिराल, लोकांशी परिचय कराल तेवढी आपल्या व्यवसायाची वृद्धी होईल हे लक्षात ठेवा.

वृश्चिक- काही गोष्टी न बोलता तुम्ही करता हा तुमचा स्वभाव आहे. सोसण्याची क्षमता सुध्दा अधिक आहे. आपल्या कष्टाला आज सार्थ अशा घटना घडणार आहेत. केलेल्या आतापर्यंतच्या कामाचे चीज होईल. भाग्य दारी उभे राहील.

धनु - आपल्या विषयी अनेकांच्या मनात आज कटूता निर्माण होईल. आपण करत असलेल्या कामांमध्ये अडथळे निर्माण करण्याचा बरेच जण प्रयत्न करतील. आपण मात्र मनाने खंबीर राहा आणि नेटाने याचा सामना करा.

मकर - जोडीदारापासून सुखाचा दिवस आहे तुम्हाला तुमचा जोडीदार समजून घेईल काही नवीन बेत दोघे मिळून आखाल जे आनंद आणि सुखामध्ये भर घालणारे असतील. कोर्टाचे निकाल मनाप्रमाणे लागतील.

कुंभ - पोटाची दुखणी डोके वर काढतील. तब्येतीपासून स्वतःची काळजी घ्या. कनिष्ठांकडून उगाचच अपमानास्पद वागणूक आज आपल्याला दिली जाईल. आपले वर्तन सांभाळा.

मीन - प्रेमासाठी सुंदर दिवस आहे. कोणाला मागणी घालायची असेल, कोणाला आपलंसं करायचं असेल तर आजच्या दिवसाच्या संधीचे सोने करा. आपली सकारात्मकता अशीच ठेवा. प्रेमात गुलाबी रंग भराल.