Horoscope Today : आज प्रेमाने जग जिंकाल; तर काहींनी 'या' लोकांपासून राहा सावध, तुमची रास कोणती?

आजचे पंचांग

सोमवार,२७ जानेवारी २०२५,पौष कृष्णपक्ष,सोमप्रदोष, शिवरात्रि.

तिथी- त्रयोदशी २०|३५

रास- धनु

नक्षत्र- मूळ

योग- हर्षण

करण-गरज

दिनविशेष- त्रयोदशी वर्ज्य

मेष - द्रुतगती प्रवास होतील. वाहनांवर चांगली वेगवान मांड राहील. वर्तन मानसिकता आणि कृती यामध्ये योग्य समन्वय आज साधणे गरजेचे आहे. सोमप्रदोष आहे. शिव उपासना विशेष फलदायी ठरेल.

वृषभ - गुढ गोष्टींविषयी आकर्षण वाढेल. अचानक धनलाभाची शक्यता आहे. कामाचा डोंगर वाढता असेल. योग्य वेळी योग्य मार्ग मात्र नक्की काढा.

मिथुन - संभाषणामधून अवघड गोष्टी सुकर होतील. कोर्टामध्ये आपली यशस्विता पक्की आहे. नको असलेल्या लोकांपासून सावध राहण्याचा इशारा आहे

कर्क - भावनेच्या भरात चुकीचे निर्णय आज घेऊ नका. कदाचित नात्यांच्या बाबतीत अति वाहवत जाण्याचा आजचा दिवस आहे. हितशत्रू त्रास देतील. खराब पाण्यापासून होणारे तब्येतीच्या तक्रारी याबाबत सावधगिरी बाळगा.

सिंह - सोमप्रदोष आहे शिव उपासनेचा विशेष पगडा राहील आणि त्याचा फायदा आपल्याला मिळेल. शेअर्स आणि लॉटरी मध्ये धनलाभ मिळेल. विद्यार्थ्यांसाठी दिवस चांगल्या संधी आणि सुवार्ता घेऊन आलेला आहे.

कन्या - "ऐलतीर पैलतीर" अशी आजची आपली स्थिती असेल. कुटुंबीयांना वेळ द्यायचा आहे त्याचबरोबर कामावरही लक्ष केंद्रित करायचे. आपले कार्यक्षेत्र आपल्याला वेगळ्या दिशेने खुणावेल. पण दोन्हीचा ताळमेळ घालता यायला हवा.

तूळ - प्रकाशन, लेखन क्षेत्रामध्ये प्रगती साधाल. कवी व्यक्तींसाठी नवीन काव्य स्फुरेल. भावंड सौख्य उत्तम राहील. छोट्या प्रवासातून फायदा आहे.

वृश्चिक- नवीन नाती जोडण्याच्या प्रयत्नात राहाल. प्रेमाने जग जिंकाल. तिखट, मसालेदार खाद्यपदार्थ खाण्याची आज लहर येईल. पैशाची आवक जावक चांगली राहील.

धनु - घोड्यासारखे उमदे आपले व्यक्तिमत्व आहे. ते अजूनच आकर्षक दिसून येईल. दिवस सातत्याने कामामध्ये मग्न राहण्यात जाईल. सकारात्मकता वाढेल.

मकर - तब्येतीची काळजी घ्यावी. हॉस्पिटल वा तत्सम गोष्टीत विनाकारण पैसा खर्च होण्याची दाट शक्यता आहे. दूरचे प्रवास घडतील.

कुंभ - परदेशातील मित्रांशी संपर्क साधाल. व्यवसायाच्या दृष्टीने मोठे बेत आखले जातील. जुन्या केलेल्या गोष्टींचा योग्य परतावा मिळण्याचा आजचा दिवस आहे.

मीन - समाजकारणामध्ये काहीतरी करावं अशी भावना येईल. समाजासाठी आपण देणं लागतो ही जाणीव होईल. त्या दृष्टीने पावले उचलाल हाच आयुष्यातला एक योग्य टर्निंग पॉईंट असेल.