सोमवार,२८ जुलै २०२५,श्रावण शुक्लपक्ष,विनायकी चतुर्थी, नागचतुर्थी.
तिथी-चतुर्थी २३|२५
रास-सिंह २४|०० नं. कन्या
नक्षत्र-पूर्वा
योग-परिघ
करण-वणिज
दिनविशेष-११ प.चांगला
मेष - आपल्या संततीच्या बाबतीत आपण खूपच कडकपणे वागता. आज मात्र त्यांना समजून घेणे गरजेचे आहे.नाहीतर त्यांच्याशी खटका उडू शकतो. त्यांच्या यशामध्ये आपण समाधान शोधाल असा दिवस आहे. गणेश उपासना फलदायी ठरेल.
वृषभ - मातृसौख्य उत्तम राहील. आज विनायक चतुर्थी, नागचतुर्थी घरामध्ये धार्मिक कार्य होईल. घरातील वातावरण प्रसन्न राहील. मनोरंजनात्मक कार्यामध्ये सहभाग घ्याल. दिवस चांगला आहे .
मिथुन - वाणी लेखणीच्या माध्यमातून प्रगती आहे. प्रिंटिंग, स्टेशनरी या क्षेत्रातील लोकांना विशेष फायदा होईल. जवळच्या प्रवासामधून प्रगती साधाल.दिवस चांगला आहे.
कर्क- सणाच्या दिवसात एक आपली मानसिक जडणघडण तयार होत असते. नव्या काहीतरी गोष्टीच्या मागे तुम्ही नेहमीच राहता. यासाठी प्रयत्नांना यश येईल. आज पैशाची आवक जावक चांगली राहील. कौटुंबिक सौख्य उत्तम आहे.
सिंह - स्वतःवर प्रेम करणं हे आधी गरजेचे आहे हे आज समजून जाईल. सणासुदीच्या दिवसांमध्ये आपल्या मार्गदर्शनामुळे आणि खंबीर पाठिंबामुळे समोरच्याला आधार वाटेल. दानत आणि उदारता वाढेल.
कन्या- उगाचच विचार करणे आज टाळलेले बरे. पैशाची निगडित व्यवहार करताना जपून करावे. कदाचित कोणत्याही बाबतीत उगाच पाय घसरण्याची शक्यता आहे. काळजी घ्या.
तूळ - आयुष्यामध्ये असलेल्या गोष्टींविषयी आज चांगले भाव निर्माण होतील. जवळच्या व्यक्तींना बरोबर घेऊन जाल. ठराविक गोष्टीत वेगळा आनंद मिळेल. प्रियजनांचा सहवास लाभेल.
वृश्चिक - अनेक आघाड्यांवर एकटे काम करावे लागेल. अर्थात यामध्येच आपल्याला समजेल की आपले नाणे खणखणीत आहे. नेटाने आणि जिद्दीने कामे कराल आणि यश मिळवाल.
धनु - विनायक चतुर्थी आहे. दत्त उपासना, गणेश उपासना फलदायी ठरेल. मनासारख्या गोष्टी घडण्यासाठी भगवंताची आराधना फायदेशीर ठरेल. द्विधा मनस्थितीत कोणतेही काम आज करू नका.
मकर - अचानक मोठा पैसा मिळवाल. पैशाच्या बाबतीत जपून खर्च करणे गरजेचे आहे. आपली रास चिकट आणि व्यवहारी आहे पण वाम मार्गाने पैसा मिळणार नाही याकडे लक्ष द्या.
कुंभ - जोडीदार काय सांगतो आहे हे महत्त्वाचे आहे. एकमेकांच्या सल्ल्याने पुढे गेलात तर कामे सुकर होतील. व्यावसायिक भागीदारा बरोबर महत्त्वाच्या बैठका पार पडतील.
मीन - तब्येतीच्या कुरबुरी डोकं वर काढतील. स्वतःकडे लक्ष देऊन मग कामाला प्राधान्य देणे जास्त फायद्याचे ठरेल. व्यवसाय बाबत कोणतेही घाईचे निर्णय आज नकोत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.