Budh Gochar 2025: राहूच्या नक्षत्रात आज होणार बुध ग्रहाचं नक्षत्र गोचर; 'या' राशींच्या व्यक्तींना मिळणार आनंदाची बातमी

वैदिक ज्योतिषानुसार, बुध ग्रहाला ग्रहांचा राजकुमार म्हटलं जातं. बुध ग्रह तर्कशक्ती, संवाद, बुद्धिमत्ता आणि व्यापार यांचा कारक मानलं जातात. सध्या बुध ग्रह तूळ राशीत भ्रमण करत आहेत आणि या काळात त्यांची गती आणि गोचर विशेष महत्त्वाचे मानले जातात.

सध्या बुध चित्रा नक्षत्रात आहेत, मात्र पंचांगानुसार ७ ऑक्टोबर रोजी म्हणजेच आज दुपारी १२.२१ वाजता बुध स्वाती नक्षत्रात प्रवेश करणार आहेत. स्वाती नक्षत्राचा स्वामी ग्रह राहू आहे. बुधाचं हे नक्षत्र गोचर काही राशींसाठी शुभ परिणाम देणार आहे.

यावेळी तर काही राशींना या काळात काही आव्हानांनाही सामोरं जावं लागण्याची शक्यता आहे. तर काही राशींना या काळात आर्थिक आणि करिअरच्या क्षेत्रात लाभ होणार आहे. यावेळी कोणत्या राशींना याचा फायदा होणार आहे ते पाहूयात.

आजपासून या राशींचा सुरु होणार सुवर्ण काळ

कर्क रास

कर्क राशीसाठी बुधाचा राहूच्या नक्षत्रात होणारं गोचर अत्यंत लाभदायक मानला जातंय. या काळात अचानक धनलाभ होण्याची शक्यता आहे. अनेक वर्षांपासून अडकलेली कामं या काळात पूर्ण होण्याची शक्यता आहे. नोकरीच्या क्षेत्रात यश मिळण्याचे संकेत आहेत. बँकिंग, किंवा मार्केटिंग क्षेत्राशी संबंधित व्यक्तींना काही आनंदाची बातमी मिळू शकणार आहे.

तूळ रास

तूळ राशीसाठी हा काळ विशेष लाभदायक ठरणार आहे. प्रत्येक कामात यश मिळण्याची शक्यता आहे. स्थावर मालमत्ता खरेदीचे योग बनतायत. आर्थिक स्थिती स्थिर आणि चांगली राहणार आहे. घरामध्ये आनंद आणि समृद्धीचे वातावरण निर्माण होणार आहे. करिअरमध्ये केलेल्या मेहनतीची दखल घेतली जाणार आहे.

वृषभ रास

वृषभ राशीसाठी बुधाचा राहूच्या नक्षत्रातील गोचर शुभ संकेत घेऊन येणार आहे. या काळात करिअरमध्ये नवीन कामांची जबाबदारी मिळणार आहे. तुम्ही केलेल्या कामातून तुम्हाला चांगलाच नफा मिळणार आहे. नवीन पद किंवा बढतीची संधी निर्माण होऊ शकते. आरोग्याकडे थोडेसे लक्ष देणं गरजेचं आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)