काही व्यक्तींना हिऱ्याच्या अंगठ्या वापरायला खूप आवडतं. पण तुमच्या आयुष्यात काही अडचणी असतील तर तुम्हाला राशीनुसार हिरा निवडणं फायद्याचे ठरू शकेल. ज्योतिषशास्त्रात प्रत्येक राशीचा संबंध एका विशिष्ट ग्रहाशी जोडला जातो. या ग्रहांच्या स्थितीनुसार काही रत्न धारण करण्याचा सल्ला दिला जातो. असं मानलं जातं की, योग्य रत्न घातल्याने सकारात्मक ऊर्जा, आत्मविश्वास आणि मनःशांती मिळायला मदत होते. मग तुमच्या राशीसाठी कोणते रत्न योग्य आहे? जाणून घ्या सविस्तर...
मेष आणि वृश्चिक या दोन्ही राशींचा स्वामी मंगळ ग्रह आहे. त्यामुळे या राशींसाठी लाल मूंगा शुभ मानला जातो. ज्योतिषशास्त्रीय मान्यतेनुसार, हे रत्न धारण केल्याने आत्मविश्वास, धैर्य आणि उत्साह वाढण्यास मदत होते.
वृषभ आणि तूळ राशीचा स्वामी शुक्र ग्रह आहे. या राशींसाठी हिरा किंवा ओपल रत्न शुभ मानले जाते. हे रत्न सुख-समृद्धी, आर्थिक स्थैर्य आणि प्रेमसंबंधांसाठी फायदेशीर असल्याचे ज्योतिषशास्त्रात सांगितले जाते.
मिथुन आणि कन्या राशीचा स्वामी बुध ग्रह आहे. त्यामुळे या राशीच्या लोकांनी पाचू धारण करावा, असे मानले जाते. पाचू बुद्धिमत्ता, एकाग्रता आणि संवाद कौशल्य वाढवण्यासाठी शुभ मानला जातो.
कर्क राशीचा स्वामी चंद्र असल्यामुळे या राशीसाठी मोती शुभ मानला जातो. यामुळे मन शांत राहण्यास मदत होते, अशी मान्यता आहे. तर सिंह राशीचा स्वामी सूर्य आहे. त्यामुळे सिंह राशीच्या लोकांसाठी माणिक रत्न शुभ मानले जाते. यामुळे नेतृत्वगुण आणि आत्मविश्वास वाढतो, असे सांगितले जाते.
धनु आणि मीन राशीचा स्वामी गुरू ग्रह आहे. त्यामुळे या राशींसाठी पिवळा पुष्कराज शुभ मानला जातो. हे रत्न भाग्य, करिअरमधील प्रगती आणि वैवाहिक सुखाशी जोडले जाते.
मकर आणि कुंभ राशीचा स्वामी शनी ग्रह आहे. त्यामुळे या राशींसाठी नीलम रत्न शुभ मानले जाते. यामुळे शिस्त, एकाग्रता आणि मेहनतीचे चांगले फळ मिळते, अशी ज्योतिषशास्त्रीय मान्यता आहे. कुंभ राशीसाठी जामुनिया रत्नाचाही पर्याय सांगितला जातो.
प्रत्येक व्यक्तीची कुंडली वेगळी असते. त्यामुळे राशी पाहून कोणतंही रत्न धारण करू नका. रत्न घालण्याआधी ज्योतिषांचा सल्ला घेणं योग्य ठरेल. रत्नांमुळे नशीब बदलते किंवा आरोग्य सुधारते, याला वैज्ञानिक पुरावा उपलब्ध नाही. त्यामुळे या गोष्टी ज्योतिषशास्त्रीय मान्यता म्हणूनच पाहाव्यात.
डिस्क्लेमर: ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.