Gajkesri Rajyog: 12 वर्षांनंतर बनतोय गजकेसरी राजयोग; गुरु-चंद्राच्या कृपेने मिळणार

पंचांगानुसार या वर्षी पितृपक्षाची सुरुवात ७ सप्टेंबरपासून झाली आहे आणि तो २१ सप्टेंबरपर्यंत चालणार आहे. पंधरवडाभर चालणाऱ्या या कालावधीत पूर्वजांच्या स्मरणार्थ श्राद्ध आणि तर्पण करण्याची परंपरा आहे. पितृपक्षाच्या काळात एक महत्त्वाचा योग जुळून येतोय. १४ सप्टेंबर रोजी चंद्र मिथुन राशीत प्रवेश करणार आहे.

या दिवशी गुरु बृहस्पति आधीच त्याचठिकाणी विराजमान आहेत. त्यामुळे गुरु आणि चंद्राची युती होऊन गजकेसरी राजयोग तयार होणार आहे. या योगामुळे काही राशींच्या आयुष्यात मोठा बदल होऊ शकतो. अचानक धनलाभ आणि भाग्योदयाचे योग तयार होणार आहेत. पाहूया कोणत्या राशींना या शुभयोगाचा सर्वाधिक लाभ होईल.

तूळ रास

तुला राशीच्या लोकांसाठी गजकेसरी राजयोग अतिशय लाभदायी ठरणार आहे. हा योग तुमच्या भाग्यस्थानात तयार होत असल्याने भाग्योदयाची संधी मिळणार आहे. या काळात तुम्हाला परदेशभ्रमणाची संधी मिळू शकते. विद्यार्थ्यांना स्पर्धा परीक्षांमध्ये यश मिळेल आणि समाजात तुमची ओळख वाढणार आहे.

मिथुन रास

मिथुन राशीच्या लोकांसाठी हा राजयोग अत्यंत सकारात्मक ठरणार आहे. हा योग तुमच्या लग्नभावात तयार होत असल्याने आत्मविश्वास वाढणार आहे. विद्यार्थ्यांना योग्य मार्गदर्शन मिळून उत्तम निकाल मिळू शकतात. आरोग्य चांगलं राहणार आहे.

कन्या रास

कन्या राशीच्या लोकांसाठी गजकेसरी राजयोग अनुकूल ठरणार आहे. हा योग तुमच्या कर्मस्थानात तयार होत असल्याने कामकाजात उत्तम यश मिळेल. नोकरी करणाऱ्यांची पदोन्नती होऊ शकणार आहे. तर व्यापाऱ्यांना चांगला धनलाभ होईल. या काळात तुम्ही तुमच्या प्रतिस्पर्ध्यांवर मात कराल.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)