ज्योतिष्य तज्ज्ञांच्या म्हणण्यानुसार, यावर्षी ऑक्टोबर महिना ग्रहांच्या हालचाली आणि त्यांच्यामुळे निर्माण झालेल्या संयोगांमुळे खूप खास आहे. या वर्षी धनत्रयोदशी आणि दिवाळीपूर्वी ग्रहांच्या स्थितीत अनेक मोठे बदल झाले आहेत. या ग्रहांच्या बदललेल्या हालचालीमुळे शुभ संयोग आणि राजयोग निर्माण झालेत. 20 ऑक्टोबर 2024 पासून मंगळ देवाने आपली राशी बदलून याला सुरूवात केली आहे.
उद्या म्हणजेच बुधवारी 23 ऑक्टोबर 2024 रोजी बुध ग्रह विशाखा नक्षत्रात प्रवेश करणार आहे.
गुरुवारी 24 ऑक्टोबर रोजी सूर्य स्वाती नक्षत्रात प्रवेश करणार आहेत. यावेळी शुक्र आणि मंगळ देखील नक्षत्र बदलणार आहेत.
27 ऑक्टोबरला शुक्र ज्येष्ठ आणि सोमवार 28 ऑक्टोबरला मंगळ पुष्य नक्षत्रात प्रवेश करणार आहे.
मंगळवारी 29 रोजी बुध ग्रह त्याची रास बदलणार असून वृश्चिक राशीत प्रवेश करणार आहेत.
बुधवारी 30 तारखेला वरुण ग्रह म्हणजेच नेपच्यून सुद्धा पूर्वा भाद्रपदात नक्षत्र गोचर करणार आहे.
ज्योतिष्य तज्ज्ञांच्या मते, या ग्रहांच्या हालचालीचा बदल दिवाळीमध्ये सर्व राशींच्या व्यक्तींवर दिसून येणार आहे. या काळात काही राशींच्या व्यक्तींना याचा परिणाम मिळणार आहे. यामध्ये काही लोक श्रीमंत होणार आहेत. यामध्ये कोणत्या राशींच्या समावेश आहे ते पाहूयात.
सिंह राशीच्या लोकांसाठी करिअरच्या दृष्टीने ग्रहांचं गोचर खूप उत्तम असणार आहे. पदोन्नती किंवा नवीन नोकरी मिळू शकणार आहे. व्यवसाय करणाऱ्यांना या काळात दुप्पट नफा मिळेल. लव्ह लाईफ देखील आनंदी राहणार आहे. नवीन उद्योग किंवा काम सुरू करण्यासाठी हा काळ चांगला असणार आहे.
हे पंचग्रही बदल कुंभ राशीच्या लोकांसाठी खूप चांगला फायदा देणार आहेत. तुम्ही स्वतःला फ्रेश वाटून घ्याल. व्यवसायातही तुम्हाला चांगला नफा मिळू शकणार आहे. तुम्हाला नोकरीत यश आणि अनेक शुभ संधी मिळू शकतात. व्यवसाय वाढेल आणि प्रवासात फायदा होणार आहे. तुमची आर्थिक स्थिती मजबूत असणार आहे.
धनु राशीच्या लोकांसाठी दिवाळीपूर्वी 5 ग्रहांच्या हालचालीत होणारे बदल प्रवासाच्या दृष्टीने खूप चांगले असणार आहेत. या काळात तुम्हाला व्यवसायात नफाही मिळणार आहे. तुमची आर्थिक स्थिती मजबूत होण्याची शक्यता आहे. तुम्ही पैशांची बचत करण्यात यशस्वी होणार आहात.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.