Shukra Ast 2025: शुक्र ग्रह अस्त होण्यापूर्वी 'या' राशी होणार मालामाल; नव्या नोकरीसह घरी येणार पैसा

भौतिक सुख, वैवाहिक सुख, कला, भोग, यांचा कारक वैदिक ज्योतिष्य शास्त्रामध्ये शुक्र ग्रह मानला जातो. शुक्राला शास्त्रांमध्ये अनन्यसाधारण महत्त्व आहे. ठराविक काळानंतर शुक्राच्या हालचालीत बदल होतो. गोचप्रमाणे शुक्र ग्रह उदय आणि अस्त देखील होतो.

वैदिक दिनदर्शिकेनुसार शुक्र 19 मार्च 2025 रोजी संध्याकाळी 7 वाजता अस्त होणार आहे. जो 23 मार्च 2025 रोजी पहाटे 5.52 वाजेपर्यंत या अवस्थेत राहणार आहे. आज म्हणजेच 14 मार्च 2025 रोजी होळीला शुक्र अस्त होण्यापूर्वी काही राशींना फायदा होणार आहे. यावेळी हा फायदा कोणत्या राशींना होणार आहे ते पाहूयात.

मेष रास

आज मेष राशीच्या लोकांना होळीवर विशेष लाभ मिळण्याची शक्यता आहे. शुक्राच्या आशीर्वादाने अविवाहित व्यक्तींना खरं प्रेम मिळू शकतं. या काळात तुम्हाला घरातही आनंदाचं वातावरण राहणार आहे. शेजाऱ्यांशी मतभेद झाल्यास संबंध सुधारण्याची शक्यता आहे. स्वत:चा व्यवसाय आहे त्यांना आर्थिक फायदा होणार आहे.

वृश्चिक रास

शुक्र अस्त होण्यापूर्वी अविवाहित लोकांना आपला जीवनसाथी मिळू शकणार आहे. दापत्यामध्ये सुरू असलेला दुरावा संपुष्टात येणार आहे. तरुणांचं संवाद कौशल्य सुधारू शकणार आहे. करिअरमध्ये पुढे जाण्याच्या सुवर्णसंधी प्राप्त होऊ शकतात.

कर्क रास

या काळात जोडीदारासोबत चांगला वेळ व्यतीत करणार आहात. नातेवाइकांशी वाद झाल्यास वाद मिटण्याची शक्यता आहे. ज्येष्ठांचे आरोग्य उत्तम राहणार आहे. या वेळी कोणताही गंभीर आजार होणार नाही. अविवाहित लोकांसाठी नातेसंबंध येऊ शकतात. जुन्या गुंतवणुकीतून दुकानदारांना आज मोठा नफा मिळू शकतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)