Savalyachi Janu Savali: 'सावळ्याची जणू सावली' मालिकेत मोठा ट्विस्ट; लवकरच होणार 'या' दोन कलाकारांची होणार दमदार एंट्री

Savalyachi Janu Savali Marathi Serial: झी मराठीवरील लोकप्रिय मालिका ‘सावळ्याची जणू सावली’ सध्या एका मोठ्या वळणावर आली आहे. या मालिकेत लवकरच मोठा ट्विस्ट पाहायला मिळणार आहे. मालिकेच्या कथानकात दोन दमदार कलाकारांची एंट्री होत असून, त्यामुळे कथानकात नव्या वळणाची सुरुवात होणार आहे. रमेश वाणी आणि मधुगंधा कुलकर्णी हे अनुभवी कलाकार या मालिकेत प्रवेश करत आहेत. त्यांच्या येण्याने मालिका अधिक रोचक बनली आहे.

कथानकानुसार, सध्या मालिकेत सारंग मेहेंदळे खुनाच्या आरोपात सापडतो आणि त्याला पोलिसांकडून अटक होते. यानंतर त्याच्या बाजूने न्याय मिळवण्यासाठी वकील म्हणून कालिंदी धर्माधिकारी नावाचं पात्र येतं, आणि ही भूमिका साकारणार आहे अभिनेत्री मधुगंधा कुलकर्णी. तिच्या प्रवेशाने मालिकेत नवा ट्विस्ट येणार आहे.

दुसऱ्या बाजूला, प्रकरणाची दुसरी बाजू हाताळणारा वकील म्हणून रमेश वाणी यांचादेखील दमदार प्रवेश होत आहे. ते म्हणतात, “सर्व पुरावे सारंगच्या बाजूने आहेत,” त्यामुळे मालिकेत न्यायालयीन लढतीचा रंग चढणार आहे. दोन्ही बाजूंच्या या संघर्षामुळे ‘सावळ्याची जणू सावली’चा पुढील भाग प्रेक्षकांसाठी अत्यंत उत्कंठावर्धक ठरणार आहे.

दरम्यान, पारू मालिकेतील आणखी एक महत्त्वाचं पात्र पारू आता नव्या भूमिकेत दिसणार आहे. पारू शिवानीला इशारा देताना म्हणते, “सावली आणि सारंग यांना कोणीही वेगळं करू शकत नाही.” पारूचा हा इशारा भविष्यातील नात्यांवर खोल परिणाम करणार आहे. शिवानी, जी सध्या सारंगच्या जवळ जाण्याचा प्रयत्न करत आहे, तिच्यासाठी हा इशारा मोठं आव्हान ठरणार आहे.

मालिकेच्या पुढील भागात प्रेक्षकांना अनेक नवीन घटना पाहायला मिळणार आहेत. न्यायालयीन लढाई, भावनिक संघर्ष, आणि नात्यांमधील तणाव या सगळ्यांचा मिलाफ या कथेला नवा रंग देणार आहे. रमेश वाणी आणि मधुगंधा कुलकर्णी यांचा प्रवेश मालिकेत नवी ऊर्जा निर्माण होईल. तर सावली, सारंग, पारू आणि शिवानी यांच्यातील गुंतागुंतीची नाती पुढे कशी बदलतील, हे पाहणे उत्सुकतेचे ठरेल.