Yudhra Trailer : जबरदस्त ॲक्शन अन् रोमान्सचा धमाका, सिद्धांत चतुर्वेदीच्या 'युध्रा'चा दमदार ट्रेलर आऊट

सध्या सर्वत्र ॲक्शन चित्रपटांचा ट्रेंड सुरू आहे. सिद्धांत चतुर्वेदीचा आगामी ॲक्शन-थ्रिलर चित्रपट 'युध्रा'चा ट्रेलर (Yudhra Trailer ) रिलीज झाला आहे. या चित्रपटाची प्रेक्षक आतुरतेने वाट पाहत आहेत. जबरदस्त ॲक्शन आणि थ्रिलर असलेल्या चित्रपटाच्या ट्रेलरमध्ये सिद्धांतचा वेगळा अवतार पाहायला मिळाला आहे.

'युध्रा'चा ट्रेलर सिद्धांत चतुर्वेदीच्या (Siddhant Chaturvedi) व्हॉईस ओव्हरने सुरू होतो, तो म्हणतो- 'मी मरण्यापूर्वी मी तुम्हाला महाभारतातील एक प्रसिद्ध कथा सांगतो. चक्रव्यूहात प्रवेश करण्याचा मार्ग अभिमन्यूने आईच्या उदरातून शिकला, पण चक्रव्यूहाचे रहस्य त्याला कधीच उलघडले नाही. यानंतर सिद्धांत ॲक्शन रूपात दिसतो आणि तो म्हणतो, तुला वाटले होते की मी अभिमन्यू आहे, पण मी त्याचा पिता अर्जुन आहे. ट्रेलरमध्ये तो अभिनेत्री मालविका मोहननसोबत (Malavika Mohanan) रोमान्स करताना दिसत आहे.

'युध्रा' कधी रिलीज डेट?

'युध्रा' रवी उदयवार दिग्दर्शित 'युध्रा' चित्रपट पाहण्यासाठी चाहते उत्सुक असल्याचे पाहायला मिळत आहे. हा थ्रिलर 'युध्रा' चित्रपट 20 सप्टेंबरला थिएटरमध्ये प्रेक्षकांच्या भेटीला येणार आहे. चित्रपटात सिद्धांत चतुर्वेदीसोबतच मालविका मोहनन, गजराज राव, राघव जुयाल, राम कपूर, राय अर्जुन आणि शिल्पा शुक्ला हे महत्त्वाच्या भूमिकेत दिसणार आहेत. किलनंतर राघव जुयाल पुन्हा एकदा ॲक्शन अवतारात दिसणार आहे.