अलार्म काका..विद्याधर करमरकर यांचे मुंबईत निधन

मुंबई : ‘उठा उठा दिवाळी आली, मोती स्नानाची वेळ झाली’ या जाहिरात मधील अलार्म काका आणि चित्रपट व नाटय़ सृष्टीमधील ज्येष्ठ कलाकार विद्याधर करमरकर यांचे सोमवारी वृद्धापकाळाने निधन झाले आहे. ते 96 वर्षांचे होते. मराठी मनोरंजक विश्वामध्ये करमरकर यांना आबा म्हणून ओळखले जात असत.

हे देखील पहा-

केवळ मराठी मध्ये नाहीतर हिंदी मध्ये देखील काही चित्रपट आणि जाहिरांत मध्ये देखील त्यांनी भूमिका साकारले होते. करमरकर यांनी आतापर्यंत ‘कार्तिक कॉलिंग कार्तिक’, ‘गेम विथ अनुपम खेर’, ‘दोस्ती यारीयां मनमर्जिया’, ‘सास बहू और सेन्सेक्स’, ‘लंच बॉक्स’, ‘एक थी डायन’, ‘एक व्हिलन’ यासारख्या अनेक सिनेमांमध्ये आपली भूमिका साकारली आहे.

विद्याधर करमरकर यांच्या निधनावर सिनेसृष्टीतील कलाकारांनी शोक व्यक्त केला आहे. ते विलेपार्ले या ठिकाणी राहत होते. त्यांनी सुरुवातीला नोकरी करुन, अभिनयाची आवड जोपासली होती. यानंतर अनेक नाटकांमध्ये देखील त्यांनी काम केले आहे. त्यासोबत काही चित्रपटांचे दिग्दर्शनही त्यांनी केले आहेत.

Edited By- Digambar Jadhav