Vicky Jain: 'कपड्यांवर अन् वॉशरूममध्ये रक्त...; अंकिताच्या नवऱ्याने स्वत: सांगितला कसा झाला अपघात

Vicky Jain Accident: अंकिता लोखंडेचा पती आणि उद्योजक विकी जैनच्या झालेल्या अपघातानंतर रुग्णालयात दाखल करावे लागले. 'लाफ्टर शेफ्स'चा भाग असलेल्या विकी जैन याच्या हाताला अपघातात गंभीर दुखापत झाली. दुखापत इतकी गंभीर होती की त्यांच्या हाताला ४५ टाके पडले आणि डॉक्टरांना त्याच्या हाताचा आकार सुधारण्यासाठी ऑपरेशन करावी लागली. आता एका मुलाखतीत विकीने या अपघाताबद्दल सांगितले आहे आणि हे सर्व कसे घडले ते सांगितले आहे.

विकी जैनसोबत अपघात कसा झाला?

विकी जैनने एचटीशी बोलताना सांगितले की, १२ सप्टेंबर रोजी दुपारी हा अपघात झाला. मी ताकाचा ग्लास उचलत असताना तो घसरला. तो ग्लास इतक्या जोरात पकडला की मी पकडायला गेलो आणि माझ्या हातात ग्लास तुटला, त्यामुळे माझ्या तळहाताला आणि मधल्या बोटाला गंभीर दुखापत झाली. काचा माझ्या हातात घुसल्या होत्या आणि त्यामुळे कपडे आणि वॉशरूम रक्ताने माखले होते.

विकी जैन पुढे म्हणाला, "इतके रक्त होते की माझे कपडे आणि वॉशरूम पूर्णपणे रक्ताने माखले होते. मला जाणवले की मला खंबीर राहावे लागेल नाहीतर अंकिता अधिक घाबरेल." विकीने असेही सांगितले की तो रुग्णालयात जात असताना त्याने चॅट-जीपीटीवर उपचार शोधण्याचा प्रयत्न केला. अंकिता लोखंडे त्यावेळी खूप घाबरली आणि रडत होती

डॉक्टरांनी सांगितले की टेंडन खराब झाले आहे

रुग्णालयात पोहोचल्यानंतर, विकी जैनला कळले की त्याला अनेक ठिकाणी कट आहेत. यावेळी डॉक्टरांनी त्याला सांगितले की त्याच्या मधल्या बोटाच्या टेंडनलाही खराब झाले आहे. त्यामुळे विकीच्या हाताचा आकार सुधारण्यासाठी त्याचे ऑपरेशन करावे लागले हे ऑपरेशन २ तास चालले. विकीने असेही सांगितले की अंकितानेच रुग्णालयात त्याला संभाळले, कारण त्याची आई बिलासपूरला गेली होती आणि त्याच्यासोबत फक्त अंकिता तिथे होती.