Rishabh Pant: टीम इंडियाचा विस्फोटक फलंदाज ऋषभ पंतच्या कारला शुक्रवारी (३० डिसेंबर) पहाटेच्या सुमारास भीषण अपघात झाला. दिल्लीहून उत्तराखंडच्या दिशेने निघालेल्या ऋषभ पंतची कार रुरकी येथे उलटली. अपघात इतका भीषण होता, की ऋषभची कार तीन ते चारवेळा उलटली. त्यानंतर कारने पेट घेत भीषण रुप धारण केले.
अपघातानंतर ऋषभ पंत कसा तरी कारमधून बाहेर पडला. त्यानंतर त्याला दिल्लीतील रुग्णालयात उपचारासाठी दाखल करण्यात आलं. तेथून पुढील उपचारासाठी पंतला डेहराडूनच्या मॅक्स हॉस्पिटलमध्ये नेण्यात आले.
सोशल मीडियावर चाहते आणि अनेक सेलिब्रिटी ऋषभ पंतच्या प्रकृतीसाठी प्रार्थना करत आहेत, अशा परिस्थितीत उर्वशी रौतेलाही काही पोस्ट करते की नाही, याची सर्वांनाच प्रतीक्षा होती. उर्वशी रौतेलाने थेट नाही पण तिच्या एका पोस्टमध्ये दिलेल्या कॅप्शनवरून असे स्पष्ट होते की, ती ऋषभ पंतच्या तब्येतीसाठीच प्रार्थना करत आहे.
उर्वशी रौतेलाने सोशल मीडियावर एक पोस्ट शेअर केली आहे, ज्यामध्ये ती पांढऱ्या रंगाच्या ड्रेसमध्ये दिसत आहे. हा लूक तमिळ बिग बॉस फिनालेचा असून ज्यामध्ये ती पांढऱ्या रंगाच्या ड्रेसमध्ये दिसत होती.
या लूकमध्ये उर्वशी खुपच सुंदर दिसत आहे. हा फोटो उर्वशीने सोशल मीडियावर शेअर करत कॅप्शन दिले की, "प्रार्थना करत आहे." हा फोटो पाहून चाहत्यांच्या मते उर्वशी रौतेलाने ही पोस्ट ऋषभ पंतसाठीच केली आहे.
उर्वशी सोशल मीडियाच्या माध्यमातून ऋषभच्या उत्तम प्रकृतीसाठी प्रार्थना करताना दिसत आहे, पण तिचा हा ग्लॅमरस फोटो पाहून नेटकरी चांगलेच संतापले आहेत. नेटकरी म्हणतात, ऋषभ पंतला अपघात झाला आहे आणि तू इंस्टाग्रामवर असे फोटो शेअर केले आहेत. ऋषभ पंत आणि उर्वशी रौतेला आधी रिलेशनशिपमध्ये होते, पण त्यांचा आता ब्रेकअप झाला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.