Tunisha Sharma: टुनिशाच्या आत्महत्या प्रकरणात आणखी एक नवं वळण, 'या' व्यक्तींकडे आहे खास माहिती...

Tunisha Sharma: अभिनेत्री टुनिशा शर्माने २४ डिसेंबर रोजी मालिकेच्या सेटवर आत्महत्या करत आपले जीवन संपवले. 'अलिबाबा:दास्तान-ए-काबुल' या मालिकेच्या सेटवर टुनिशाने दुपारी आत्महत्या केली. या प्रकरणावर सध्या पोलीस वेगवेगळ्या गोष्टींच्या आधारावर चौकशी करत आहे. या प्रकरणात पोलीसांना रोज वेगवेगळे वळण मिळत आहेत. या प्रकरणात मालिकेतील को-स्टार आणि तिचा एक्स बॉयफ्रेंड शीझान खान याला तिच्या आत्महत्येप्रकरणी अटक केली आहे.

शीझानच्या गर्लफ्रेंडचा खुलासा झाल्यानंतर टुनिशाच्या आत्महत्येला ती कारणीभूत ठरते का, असा प्रश्न सध्या उपस्थित होत आहे. पोलीसांनी शीझान आणि टुनिशाचं मोबाइल चॅट जप्त केलं आहे. पोलीस दोघांच्याही कुटुंबांची आणि टुनिशाच्या एका मित्राचीही चौकशी करणार असल्याची सध्या तरी माहिती मिळत आहे. एकूणच या प्रकरणातील तपासात पोलिसांना पाच व्यक्ती मदत करू शकतात. हे प्रकरण एकूण पाच व्यक्तींभोवती फिरत आहे.

त्यातली पहिली व्यक्ती म्हणजे टुनिशाचा एक्स बॉयफ्रेंड शीझान खान. तो या प्रकरणातला आरोपी आणि प्रत्यक्षदर्शी साक्षीदारही असल्याचे पोलीस म्हणत आहे. दुसरी व्यक्ती टुनिशाची आई वनिता शर्मा. आईनेही शीझानवर अनेक गंभीर आरोप केले आहेत.

तिसरी व्यक्ती टुनिशाचा मामा पवन शर्मा. त्यानेही शीझानवर बरेच आरोप आणि धक्कादायक खुलासे केले. चौथी व्यक्ती टुनिशाचा मित्र आणि अभिनेता कंवर ढिल्लन. टुनिशा आयुष्यात असलेल्या सर्व अडचणी ती कंवरला सांगायची. पाचवी व्यक्ती शीझानची सिक्रेट गर्लफ्रेंड असून, तिच्यामुळे या संपूर्ण प्रकरणाला आणखी एक नवा ट्विस्ट आला आहे.

पोलिसांच्या म्हणण्यानुसार, या दोघांच्या नात्याबाबतच्या सर्व प्रश्नांवर शीझान सातत्यानं वेगवेगळी माहिती देत दिशाभुल करतोय. त्यामुळेच बुधवारी (28 डिसेंबर) पुन्हा एकदा मुंबई पोलिसांनी शीझानला न्यायालयात हजर करत कोठडीची मागणी केली. न्यायालयानं ही मागणी मान्य करून त्याला 30 डिसेंबरपर्यंत पोलीस कोठडी सुनावली. सोबतच पोलीसांना त्याची सिक्रेट गर्लफ्रेंड असल्याचे समजले. माहिती मिळाल्यानंतर त्यांच्यात वादाला तोंड फुटले.

वाद इतका वाढत गेला की, त्याने ब्रेकअपचा निर्णय घेतला. टुनिशाच्या आईने दिलेल्या माहितीनुसार, मोबाइलमध्ये शीझानची इतर मुलींसोबतची चॅटिंग पाहिल्यानंतर तिचं शीझानशी भांडण झालं होतं. टुनिशाने काही दिवसांआधीही आत्महत्येचा प्रयत्न केला होता, पण लगेचच तिला रुग्णालयात दाखल करण्यात आले होते. या परिस्थितीत, पोलीसांना आता टुनिशाचा एक्स बॉयफ्रेंड शीझानकडून त्याच्या सिक्रेट गर्लफ्रेंडची आणि त्याच्या व टुनिशाच्या भांडणाची सर्व माहिती काढून घ्यायची आहे.