Uorfi Javed Video: हॉटेलमध्ये वेटरचे काम करते उर्फी जावेद, काय आहे व्हायरल व्हिडीओ मागचे सत्य?

Uorfi Javed:

आपल्या अतरंगी आणि हटके फॅशन सेन्समुळे उर्फी जावेद (Uorfi Javed) नेहमी चर्चेत असते. यावेळी उर्फी जावेद तिच्या हटके कपड्यांमुळे चर्चेत आली नाही तर ती चर्चेत येण्यामागचे कारण जरा वेगळेच आहे. उर्फी जावेदचा सध्या एक व्हिडीओ सोशल मीडियावर तुफान व्हायरल होत आहे. ज्यामध्ये उर्फी जावेद एका हॉटेलमध्ये वेटरचे काम करताना दिसत आहे. पण आता या व्हिडीओमागचे सत्य समोर आलं आहे. स्वत: उर्फीनेच हॉटेलमध्ये वेटरचे काम का केलं यामागचे कारण सांगितले आहे.

मुंबईतील रिस्टोबार द नाइन्समधील उर्फी जावेदचा वेट्रेस म्हणून काम करत असल्याचा एक व्हिडिओ सोशल मीडियावर चांगलाच व्हायरल झाला. ती वेटर का बनली होती? हा प्रश्न सगळ्यांना पडला होता. पण आता उर्फीनेच या व्हिडिओ मागचं कारण सांगितले आहे. वेट्रेस बनून तिने लोकांना प्रेमाने जेवण सर्व्ह केलं लोकासोबत आपुलकीने गप्पा मारल्या आणि त्यांचा हा खास वेळ तिने तिच्या वेट्रेस सर्व्हिसने स्पेशल केला.

वेट्रेस बनल्याचा व्हिडिओ व्हायरल झाल्यापासून यावर अनेक प्रतिक्रिया आल्या.आज तिने आपल्या अधिकृत इन्स्टाग्राम अकाऊंटवर एक पोस्ट करत या व्हायरल होणाऱ्या व्हिडीओमागचे सत्य सांगितले आहे. तिने कॅन्सर पेशंट्स अॅण्ड असोसिएशनसाठी निधी उभारण्यासाठी वेट्रेस होण्याचा निर्णय घेतला होता. उर्फीने हा व्हिडीओ शेअर करत कॅप्शनमध्ये लिहिले की, 'स्वप्न साकार झालं! कोणतेही काम मोठं किंवा छोटं नसतं. ते सर्व दृष्टीकोनावर अवलंबून असते. मला एक तास वेट्रेस म्हणून काम करायचं होतं आणि कॅन्सर पेशंट अॅण्ड असोसिएशनमध्ये निधी देण्यासाठी मी ही हक्काची कमाई केली. @cpaaindia @suved @theninesmumbai यांना हे घडवून आणल्याबद्दल त्यांचे खूप आभार.'

नोकरीतील आव्हाने समजून घेण्यासाठी तिला वेट्रेस बनण्याची इच्छा असल्याचे सोशल मीडिया सेन्सेशनने शेअर केले. तिचा हा व्हिडिओ पाहिल्यानंतर चाहते आणि नेटिझन्स तिचे खूप कौतुक करत आहेत. काही चाहत्यांनी सांगितले की, 'जर प्रत्येक स्टार आणि व्यक्ती असा विचार करायला पाहिजे.' उर्फी जावेदला वेट्रेसचे काम करत असताना काही टिप्स म्हणून काही पैसे मिळाले आहेत. ते ती कॅन्सर पेशंट्सला मदत म्हणून देणार आहे.