बॉलीवूड (Bollywood) सेलिब्रिटींसाठी यंदाचा ख्रिसमस खूपच खास ठरला आहे. ख्रिसमसच्या मुहूर्तावर सेलिब्रिटी आपल्या चाहत्यांना असे सरप्राईज देत आहेत ज्याचा त्यांनी विचारही केला नसेल. रणबीर कपूर आणि आलिया भट्ट (Ranbir Kapoor And Alia Bhatt) यांनी नुकताच आपली लाडकी मुलगी राहाची फर्स्ट झलक सर्वांना दाखवली. निळे-डोळे, क्युट स्माइल देणाऱ्या राहाला बघून सर्वजण तिच्या गोंडसपणाचे कौतुक करत आहेत. एकीकडे राहाची सगळीकडे चर्चा होत असताना आता बॉलिवूड अभिनेत्री बिपाशा बसूने देखील तिची मुलगी देवीची फर्स्ट झलक सर्वांना दाखवली आहे.
बिपाशा बसूने देखील ख्रिसमसनिमित्त आपल्या चाहत्यांना खास सरप्राईज दिले आहे. ख्रिसमसच्या निमित्ताने बिपाशानेही पहिल्यांदाच देवीचा चेहरा चाहत्यांना दाखवला आहे. देवीचा फोटो पाहून चाहत्यांना तिच्या क्यूटनेसचे वेड लागले आहे. बिपाशाची देवी देखील खूपच क्युट दिसत आहे. सर्वजण देवीच्या क्युटनेसच्या प्रेमात पडले आहेत. बिपाशा बसूने आपल्या अधिकृत इन्स्टाग्राम अकाऊंटवर देवीचा फर्स्ट लूक शेअर केला आहे. बिपाशाने ख्रिसमस ट्रीसोबत देवीचा एका साइटने चेहरा दाखवला आहे.
बिपाशा बसूने देवीचा एक फोटो शेअर केला आहे ज्यामध्ये तिचा एका बाजूने चेहरा दिसत आहे. रेड कलरची फ्रॉक आणि त्याच कलरच्या हेअरबँडमध्ये देवी खूपच क्यूट दिसत आहे. फोटो शेअर करताना बिपाशाने कॅप्शनमध्ये लिहिले की, 'यंदाच्या ख्रिसमस सांताकडे एक नवीन हेल्पर आहे जो आपल्यासोबत सर्वांसाठी आनंद आणि प्रेमाची भेट घेऊन आला आहे.' बिपाशाच्या या फोटोवर कमेंट्स करत चाहत्यांनी 'आमचा छोटा सांता.', 'बार्बी डॉल' अशा कमेंट्स केल्या आहेत.
बिपाशा बसू आणि करण ग्रोवरची मुलगी देवीचा फोटो पाहून त्यांचे चाहते खूपच खूश झाले आहेत. चाहते आणि सर्व सेलिब्रिटी बिपाशाच्या इन्स्टा पोस्टवर कमेंट्स करत देवीवर प्रेमाचा वर्षाव करत आहेत. बिपाशा बसू आणि करण सिंग ग्रोव्हर मागच्या वर्षी आई-वडील झाले. देवीच्या जन्मापासून बिपाशाचे कुटुंब चर्चेत आहे. नुकताच देवीचा पहिला वाढदिवस साजरा करण्यात आला. बिपाशाने आतापर्यंत देवीसोबतचे अनेक फोटो आणि व्हिडीओ इन्स्टाग्रामवर शेअर केले पण तिने कधीच देवीचा चेहरा दाखवला नाही. त्यामुळे तिच्या चाहत्यांना देवीचा चेहरा पाहण्याची उत्सुकता लागली होती. अखेर ख्रिसमसच्या शुभ मुहूर्तावर बिपाशाने चाहत्यांची इच्छा पूर्ण केली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.