Samantha Prabhu: समांथा प्रभूच्या मित्राने दिले हेल्थ अपडेट, जाणून घ्या तब्येतीविषयीची माहिती...

Samantha Prabhu: दक्षिण चित्रपटसृष्टीतील दिग्गज अभिनेत्री म्हणून ठसा उमटवणाऱ्या समंथा रुथ प्रभूचे 2022 हे वर्ष चांगले गेले नाही. या वर्षात समांथाला एका गंभीर आजाराला सामोरे जावे लागले होते. तेव्हापासून समंथा रुथ प्रभूचे चाहते तिच्या तब्येतीची माहिती जाणून घेण्यसाठी नेहमीच उत्सुक आहेत. नुकतंच या अभिनेत्रीच्या जवळच्या मित्रानेच तिच्या तब्येतीबद्दल खुलासा केला आहे.

'समंथा आता पूर्णपणे बरी झाली आहे आणि आता ती लवकरच आपल्या कामावर रुजु होण्यासाठी लवकरच सज्ज होत आहे. तुम्हाला तिला कॉल करायचा असेल तर तुम्ही करू शकता, पण मी तुम्हाला सांगू इच्छिते की ती कुठेही बाहेर गेली नाही. घटस्फोटोनंतर समंथाला बराच संघर्ष करावा लागल्याचे माध्यमांनी दाखवले होते, पण असं काही नाही. समंथा नुकतीच एका आजाराशी लढा देत आहे आणि आता ती पूर्णपणे बरी आहे.' समांथाच्या मित्राने एका इंग्रजी संकेतस्थळाला तिच्या प्रकृतीविषयी ही माहिती दिली आहे.

तिच्या कामासंबंधित बोलायचे तर, समांथा रुथ प्रभू संपूर्ण पणे बरी होताच, सर्वप्रथम विजय देवरकोंडासोबत मुख्य भूमिकेत असलेल्या चित्रपटाची शूटिंग संपवणार आहे. त्यानंतर, अॅमेझॉन प्राइम व्हिडिओवरील एका चित्रपटासाठी शूटिंग करणार आहे. याशिवाय अभिनेत्रीकडे अन्य काही अनेक प्रोजेक्ट्स देखील आहेत, त्या माध्यमातून ती पुन्हा एकदा दमदार पुन:रागमन करणार आहे.