Ved Movie Success: बॉक्स ऑफिसवर 'वेड' सिनेमाचा धूमाकूळ; अवघ्या तीन दिवसात केली 'इतकी' कमाई, रितेशने मानले प्रेक्षकांचे आभार

Ved Box Office Collection : रितेश देशमुख दिग्दर्शित 'वेड' चित्रपट बॉक्स ऑफिसवर जोरदार धुमाकूळ घालत आहे. वेड सिनेमाने चाहत्यांना अक्षरश: वेड लावलं आहे. सोशल मीडियावरही 'वेड' सिनेमाची बरीच चर्चा होत आहे. बॅाक्स ॲाफिसवर 'वेड' सिनेमाने अवघ्या ३ दिवसांत १३ कोटींचा गल्ला केल्यानंतर रितेशने प्रेक्षकांचे आभार मानले आहेत. (Latest Marathi News)

रितेशचा 'वेड' सिनेमा ३० डिसेंबर २०२२ रोजी चित्रपटगृहात प्रदर्शित झाला होता. रितेश देशमुख दिग्दर्शित हा 'वेड' सिनेमा बॉक्स ऑफिसवर यशस्वी घोडदौड करत आहे. त्यामुळे 'वेड' सिनेमा विक्रमी कमाई करणाऱ्या मराठी सिनेमांच्या यादीत स्थान मिळालं आहे.

दुसरीकडे महाराष्ट्राची लाडकी जोडी म्हणजेचं रितेश देशमुख आणि जेनिलिया देशमुख यांना आज सिनेसृष्टीत २० वर्ष पूर्ण झाली आहे. 'तुझे मेरी कसम' या सिनेमापासून सुरू झालेला प्रवास हा आता 'वेड' या सिनेमापर्यंत पोहचला आहे. हा आनंदाचा दिवस रितेश-जेनिलिया यांनी सगळ्यांसोबत साजरा केला.

एकिकडे २० वर्षांचा आनंद तर दुसरीकडे वेड सिनेमाचा बॅाक्स ॲाफिसवर १३ कोटींचा गल्ला फक्त ३ दिवसात कमावला आहे. या निमित्ताने रितेश-जेनिलियाचा धमाल आंनदाज पाहिला मिळाला.

एवढचं नव्हे तर या वेळी महाराष्ट्राच्या लाडक्या दादा आणि वहिणीने या वेळी उखाणा ही घेतला आहे. रितेश देशमुखने या कार्यक्रमात उखाणा घेतला. भाजीत भाजी मेथीची, जेनेलिया माझ्या प्रितीची, हा उखाणा रितेशने घेतला. या कार्यक्रमात रितेशने संवाद साधला.

'तुम्ही हा चित्रपट पाहत आहात. तुम्हाला चित्रपट आवडत आहे. तुम्ही लोकांना सिनेमा पाहण्यास सांगत आहात. आपला सिनेमा म्हणून हा सिनेमा पाहत आहात, यासाठी खरंच आभारी आहे, अशा शब्दात रितेशने प्रेक्षकांचे आभार मानले.