The 50 Winner : 'द ५०'च्या ट्रॉफीवर शिव ठाकरेनं कोरलं नाव? सोशल मीडियावर महाराष्ट्राच्या लेकाचं होतंय कौतुक

गेल्या काही दिवसांपासून सर्वत्र फक्त 'द ५०' शोची चर्चा पाहायला मिळत आहे. या शोमध्ये हिंदी आणि मराठी दोन्ही कलाकार पाहायला मिळत आहेत. 'द ५०'शोच्या विजेत्याचे नाव समोर आले आहे. हा ज्यामुळे सोशल मीडियावर चांगलीच चर्चा पाहायला मिळत आहे. 'द ५०' ची ट्रॉफी महाराष्ट्राकडे आली आहे. 'रिॲलिटी शो किंग' मराठमोळा शिव ठाकरे 'द ५०' चा विजेता झाला असल्याचे बोले जात आहे. तसेच उपविजेत्यांची यादी देखील समोर आली आहे. अनेकांनी शिव ठाकरे विजेता झाल्याची पोस्ट शेअर केली आहे.

बक्षीस काय?

असे बोले जात आहे की, 19 फेब्रुवारी रोजी मुंबईत 'द ५०'चा ग्रँड फिनाले पार पडला आहे. 50 तगड्या स्पर्धकांना मागे टाकून शिव ठाकरेने विजेते पद पटकावले आहे. शेवटचा सामना शिव ठाकरे आणि मिस्टर फैजूमध्ये रंगला. मीडिया रिपोर्टनुसार, शिव ठाकरेला ट्रॉफीसोबत तब्बल 50 लाख रुपयांचे बक्षीस मिळाले आहे.

'द ५०'चा उपविजेता कोण?

मीडिया रिपोर्टनुसार, 'द ५०' शोचा पहिला उपविजेता सोशल मिडिया स्टार मिस्टर फैजू आहे. त्याने शोमध्ये अनेक टास्क जिंकले आहेत. तर फिटनेस क्वीन कृष्णा श्रॉफने 'द ५०' ची दुसरी रनर-अप ठरली आहे. 'द ५०'च्या टॉप 4 मध्ये शिव ठाकरे, फैजू, रजत दलाल, कृष्णा श्रॉफ हे स्पर्धक होते.

मात्र अद्याप 'द ५०' संपल्याची आणि शिव ठाकरे विजेता झाल्याची कोणतीही अधिकृत घोषणा करण्यात आली नाही. त्यामुळे सोशल मीडियावर चांगलाच गोंधळ उडाला आहे. 'द ५०' या शो मध्ये हिंदी सोबतच मराठी कलाकार देखील पाहायला मिळाले. यात शिव ठाकरे, निक्की तांबोळी, जान्हवी किल्लेकर, सौरभ घाडगे या कलाकारांचा समावेश होता.

शिव ठाकरे वर्कफ्रंट

शिव ठाकरे हा बिग बॉस मराठीच्या दुसऱ्या पर्वाचा विजेता होता. तसेच त्याने 'बिग बॉस हिंदी 16'मध्ये उपविजेता पद पटकावले. त्याने आजवर अनेक रिअॅलिटी शो केले आहेत. तसेच तो 'रोडीज 15' चा उपविजेता, '"खतरों के खिलाडी 13' चा उपविजेता आणि 'झलक दिखला जा' चा उपविजेता ठरला आहे. शिव ठाकरेचा मोठा चाहता वर्ग आहे.