Box Office Collection : 'थामा' की 'एक दीवाने की दीवानियत' वीकेंडला कोणता चित्रपट हाऊसफुल? वाचा कलेक्शन

रश्मिका मंदानाचा (Rashmika Mandanna) 'थामा' (Thamma) आणि हर्षवर्धन राणेचा (Harshvardhan Rane) 'एक दीवाने की दीवानियत' (Ek Deewane ki Deewaniyat) चित्रपट 21 ऑक्टोबरला थिएटरमध्ये प्रदर्शित झाले आहेत. वीकेंडला कोणी किती कमावले जाणून घेऊयात. 'थामा' हॉरर-कॉमेडी-लव्ह स्टोरी आहे. तर 'एक दीवाने की दीवानियत' हा म्युजिकल रोमँटिक ड्रामा आहे.

'थामा' चित्रपटात रश्मिका मंदाना, आयुष्मान खुरानासोबत नवाजुद्दीन सिद्दीकी सप्तमी गौड़ा, डायना पेंटी, वरुण धवन, संजय दत्त, अपारशक्ती खुराणा असे अनेक कलाकार आहेत. 'एक दीवाने की दीवानियत' चित्रपटातून 'सनम तेरी कसम' फेम हर्षवर्धन राणे आणि अभिनेत्री सोनम बाजवा ही जोडी प्रेक्षकांच्या भेटीला आली आहे.

'थामा' बॉक्स ऑफिस कलेक्शन दिवस 5

'थामा' चित्रपटाने सॅकनिल्कच्या रिपोर्टनुसार, पाचव्या दिवशी म्हणजे शनिवारी 13 कोटी रुपये कमावले आहेत. चित्रपटाचे एकूण कलेक्शन 78.60 कोटी रुपये झाले आहे. चौथ्या दिवशी चित्रपटाच्या कलेक्शनमध्ये घसरण झालेली पाहायला मिळत आहे.

• दिवस पहिला- 24 कोटी रुपये

• दिवस दुसरा- 18.6 कोटी रुपये

• दिवस तिसरा- 13 कोटी रुपये

• दिवस चौथा- 10 कोटी रुपये

• पाचवा दिवस - 13 कोटी रुपये

• एकूण - 78.60 कोटी रुपये

'एक दिवाने की दिवानियत' बॉक्स ऑफिस कलेक्शन दिवस 4

'एक दिवाने की दिवानियत' चित्रपटाने सॅकनिल्कच्या रिपोर्टनुसार, पाचव्या दिवशी म्हणजे शनिवारी 5.75 कोटी रुपये कमावले आहेत. चित्रपटाचे एकूण कलेक्शन 34 कोटी रुपये झाले आहे.

• दिवस पहिला- 9 कोटी रुपये

• दिवस दुसरा- 7.5 कोटी रुपये

• दिवस तिसरा- 6 कोटी रुपये

• दिवस चौथा- 5.5 कोटी रुपये

• पाचवा दिवस - 5.75 कोटी रुपये

• एकूण - 34 कोटी रुपये

ओटीटी रिलीज

थामा : थिएटर गाजवल्यानंतर 'थामा' चित्रपट ओटीटीवर पाहता येणार आहे. मीडिया रिपोर्टनुसार, 'थामा' चित्रपट प्राइम व्हिडिओ या ओटीटी प्लॅटफॉर्मवर रिलीज होणार आहे. मात्र अद्याप ओटीटी रिलीजची डेट जाहीर करण्यात आली नसून रिपोर्टनुसार, चित्रपट थिएटर रिलीजनंतर सहा ते आठ आठवड्यांच्या आत ओटीटीवर येईल. म्हणजेच डिसेंबर महिन्यात ख्रिसमसच्या आसपास चित्रपट ओटीटीवर पाहायला मिळेल.

एक दीवाने की दीवानियत : मीडिया रिपोर्टनुसार, 'एक दीवाने की दीवानियत' चित्रपट थिएटर गाजवल्यानंतर नेटफ्लिक्स या ओटीटी प्लॅटफॉर्मवर प्रदर्शित होणार आहे. मात्र अद्याप रिलीज डेट जाहीर झाली नाही. 'एक दीवाने की दीवानियत' चित्रपट थिएटर रिलीजनंतर ६० दिवसांत ओटीटीवर पाहायला मिळेल.