Box Office Collection : 'थामा'च्या कमाईत चौथ्या दिवशी मोठी घसरण; 'एक दीवाने की दीवानियत'नं किती कमावले? वाचा कलेक्शन

सध्या बॉक्स ऑफिसवर म्युजिकल रोमँटिक ड्रामा आणि हॉरर-कॉमेडी-लव्ह स्टोरी एकमेकांना तगडी टक्कर देत आहे. आयुष्मान खुरानाचा (Ayushmann Khurrana) 'थामा' चित्रपट लवकरच 100 कोटींचा टप्पा गाठेल. रश्मिका मंदानाचा (Rashmika Mandanna) 'थामा' (Thamma) आणि हर्षवर्धन राणेचा (Harshvardhan Rane) 'एक दीवाने की दीवानियत' (Ek Deewane ki Deewaniyat) चित्रपट 21 ऑक्टोबरला थिएटरमध्ये प्रदर्शित झाले आहेत. चित्रपटाचे एकूण कलेक्शन जाणून घेऊयात.

'थामा' बॉक्स ऑफिस कलेक्शन दिवस 4

'थामा' चित्रपटाने सॅकनिल्कच्या रिपोर्टनुसार, चौथ्या दिवशी म्हणजे शुक्रवारी 3.79 कोटी रुपये कमावले आहेत. चित्रपटाचे एकूण कलेक्शन 59.39 कोटी रुपये झाले आहे. चौथ्या दिवशी चित्रपटाच्या कलेक्शनमध्ये घसरण झालेली पाहायला मिळत आहे.

• दिवस पहिला- 24 कोटी रुपये

• दिवस दुसरा- 18.6 कोटी रुपये

• दिवस तिसरा- 13 कोटी रुपये

• दिवस चौथा- 3.79 कोटी रुपये

• एकूण - 59.39 कोटी रुपये

'एक दिवाने की दिवानियत' बॉक्स ऑफिस कलेक्शन दिवस 4

'एक दिवाने की दिवानियत' चित्रपटाने सॅकनिल्कच्या रिपोर्टनुसार, चौथ्या दिवशी म्हणजे शुक्रवारी 3.05 कोटी रुपये कमावले आहेत. चित्रपटाचे एकूण कलेक्शन 25.8 कोटी रुपये झाले आहे.

• दिवस पहिला- 9 कोटी रुपये

• दिवस दुसरा- 7.5 कोटी रुपये

• दिवस तिसरा- 6 कोटी रुपये

• दिवस चौथा- 3.05 कोटी रुपये

• एकूण - 25.8 कोटी रुपये

'थामा' vs 'एक दीवाने की दीवानियत'

'थामा' चित्रपटात रश्मिका मंदाना, आयुष्मान खुरानासोबत नवाजुद्दीन सिद्दीकी सप्तमी गौड़ा, डायना पेंटी, वरुण धवन, संजय दत्त, अपारशक्ती खुराणा असे अनेक कलाकार आहेत. 'थामा' चित्रपटाचे दिग्दर्शन आदित्य सरपोतदार यांनी केले आहे. 'एक दीवाने की दीवानियत' चित्रपटातून 'सनम तेरी कसम' फेम हर्षवर्धन राणे आणि अभिनेत्री सोनम बाजवा ही जोडी प्रेक्षकांच्या भेटीला आली आहे. 'एक दीवाने की दीवानियत' चित्रपटाचे दिग्दर्शन मिलाप जावेरी यांनी केले आहे.