Tejasswi Prakash: लोकप्रिय टीव्ही अभिनेत्री तेजस्वी प्रकाशने मुंबईतील वांद्रे येथे एक आलिशान अपार्टमेंट खरेदी केला आहे. हा अपार्टमेंट ७.६३ कोटी रुपयांचा असल्याचे वृत्त आहे. तेजस्वीने हिरानंदानी डेव्हलपर्सच्या बांधकामाधील बे हाइट्समध्ये हा अपार्टमेंट खरेदी केला आहे. सीआरई मॅट्रिक्सने दिलेल्या माहितीनुसार हे अपार्टमेंट बे हाइट्सच्या १४ व्या मजल्यावर आहे. त्यात दोन पार्किंग जागा आहेत आणि नोव्हेंबर २०३० पर्यंत अपार्टमेंटचा ताबा मिळण्याची अपेक्षा आहे.
तेजस्वी प्रकाशच्या नवीन अपार्टमेंटची माहिती
तेजस्वी प्रकाशने १६ फेब्रुवारी २०२६ रोजी अपार्टमेंटची नोंदणी केली, ३८ लाखांची स्टॅम्प ड्युटी आणि ३०,००० नोंदणी शुल्क भरले. तेजस्वी प्रकाश केवळ अभिनयातूनच नव्हे तर ब्रँड एंडोर्समेंट आणि सोशल मीडिया तसेच रिअल इस्टेटद्वारे देखील पैसे कमवते. तेजस्वीने एकदा भारती सिंगच्या यूट्यूब चॅनेलवर खुलासा केला होता की तिने विविध व्यवसायांमध्ये गुंतवणूक केली आहे आणि आता ती आरामात त्यातून भरपूर पैसे कमवते. तेजस्वीने असेही उघड केले होते की तिचा रिअल इस्टेट व्यवसाय आहे आणि तिने एक सलून देखील उघडला आहे.
रिअल इस्टेटमध्ये गुंतवणूक करून पैसे दुप्पट
तेजस्वी स्पष्ट करते की ती तिच्या खर्चाबद्दल खूप जागरूक आहे आणि म्हणूनच महागड्या वस्तूंवर पैसे वाया घालवत नाही. त्याऐवजी, ती ते पैसे रिअल इस्टेट आणि मालमत्तेत गुंतवते, जिथे ते दुप्पट होते.
तेजस्वी प्रकाशची एकूण संपत्ती
तिच्या सलून व्यतिरिक्त, तेजस्वीने अनेक रिअल इस्टेट प्रॉपर्टीजमध्ये गुंतवणूक केली आहे, तिच्याकडे मुंबईसह दुबईमध्ये आणि गोव्यातही तिने पैसा गुंतवला आहे. अहवालांनुसार, तेजस्वी प्रकाशची एकूण संपत्ती २० कोटी इतकी आहे. ती "लाफ्टर शेफ्स" मधून तिला प्रत्येक एपिसोडचे २००,०००-३००,००० मिळतात. तेजस्वी टेलिव्हिजनवरील सर्वाधिक मानधन घेणाऱ्या अभिनेत्रींपैकी एक आहे.