Crazxy Release Date: 'दादी सो जा वरना....'; सोहम शहाने केली हटके स्टाईलमध्ये 'क्रेझी' चित्रपटाच्या रिलीजची घोषणा

Crazxy Release Date: सोहम शाह भारतीय चित्रपटसृष्टीत आपल्या अभिनयाने सतत नाव कमावत आहे, आता तो त्याच्या पुढच्या 'क्रेझी' चित्रपटातून पुन्हा एकदा धमाल करण्यास सज्ज आहे. 'तुंबाड'च्या पुनर्प्रकाशनाने या चित्रपटाला लोककथांचा एक उत्कृष्ट नमुना म्हणून ओळख मिळाली आहे. आता सोहम त्याच्या आगामी 'क्रेझी' चित्रपट घेऊन प्रेक्षकांच्या भेटीला येणार आहे. ज्याची घोषणा नुकतीच करण्यात आली आहे.

सोहम शाहने 'तुंबाड' मधील दोन महत्वाची पात्रे - हस्तर, दादी आणि विनायक यांना एकत्र आणून अतिशय मजेदार पद्धतीने 'क्रेझी'च्या प्रदर्शनाची तारीख जाहीर केली आहे. या मजेदार घोषणेत, या पात्रांनी 'क्रेझी'च्या जगाची एक झलक दाखवली आहे, यामुळे प्रेक्षक चित्रपटासाठी आणखी उत्साहित आहेत. चित्रपटाची रिलीज तारीख २८ फेब्रुवारी २०२५ आहे. या अनोख्या क्रॉसओवरने चित्रपटाचा उत्साह आणखी वाढवला आहे.

चाहत्यांमध्ये 'क्रेझी' बद्दल अधिक उत्साह आहे. चित्रपटाच्या पार्श्वभूमी सोहम शाहचा नवीन लूक समोर आला आहे, यामुळे लोकांच्या अपेक्षा आणखी वाढल्या आहेत. यासोबतच या मोशन पोस्टरने सोशल मीडियावर धुमाकूळ घातला असून आता या चित्रपटाची सर्वत्र चर्चा होत आहे. तसेच चित्रपटाबद्दल अनेक सकारात्मक कमेंट्स येत आहेत.

सोहम शाहच्या 'तुंबाड' चित्रपटाच्या यशानंतर चाहते या चित्रपटाच्या पुढील भागाची म्हणजेच 'तुंबाड २' ची आतुरतेने वाट पाहत आहेत. या अभिनेत्याने काही काळापूर्वी एका पोस्टद्वारे पुष्टी केली होती की चित्रपटाचे काम सुरु असून लवकरच हा चित्रपट प्रेक्षकांच्या भेटीला येणार आहे. याशिवाय त्याचा आगामी 'क्रेझी' चित्रपटही चर्चेत आहे. हा चित्रपट सोहम शाह फिल्म्स अंतर्गत तयार केला जात आहे. याचे दिग्दर्शन आणि लेखन गिरीश कोहली यांनी केले आहे.