![Siddharth Chandekar](http://media.assettype.com/saamtv%2F2023-08%2F544c899c-2769-4847-a336-a8fe4c653d97%2FSiddharat_Chandekar.jpg?w=480&auto=format%2Ccompress&fit=max)
मराठी सिनेसृष्टीतील अभिनेता सिद्धार्थ चांदेकर याने मोठं पाऊल उचललं आहे. सिद्धार्थने चक्क आईचं दुसरं लग्न करुन दिलं आहे. सिद्धार्थने इन्स्टाग्रामवर पोस्ट करत याबाबत माहिती दिली आहे. आईच्या लग्नाचा एक फोटोही त्याने शेअर केला आहे.
किती ते एकटं एकटं रहायचं? आता फक्त तुझा आणि तुझ्या नव्या जोडीदाराचा विचार कर. तुझी पोरं कायम तुझ्या पाठीशी आहे, असं म्हणत सिद्धार्थ आईला मनपासून शुभेच्छा दिल्या आहेत . सिद्धार्थच्या या निर्णयाचं सर्वत्र कौतुक होत आहे. (Entertainment News)
सिद्धार्थनने सोशल मीडिया पोस्टमध्ये लिहिलं की, 'तुला पण एक जोडीदार हवा, तुझ्या मुलांव्यतिरिक्त एक आयुष्य हवं, तुझं एक स्वतंत्र सुंदर जग हवं, हे कधी लक्षातच नाही आलं गं माझ्या. किती ते एकटं एकटं रहायचं? तू आत्ता पर्यंत सगळ्यांचा विचार केलास, सगळ्यांसाठी पाय झिजवलेस. आता फक्त तुझा आणि तुझ्या नव्या जोडीदाराचा विचार कर.' (Latest Marathi News)
सिद्धार्थने आईच्या या निर्णयात तिची साथ देत म्हटलं की, 'तुझी पोरं कायम तुझ्या पाठीशी आहेत. तू माझं लग्न थाटात लावलंस, आता मी तुझं लग्न लावतोय. माझ्या आयुष्यातलं अजून एक सुंदर लग्न. माझ्या आईचं! I love you आई! Happy Married Life.'
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.