Shahid Kapoor : शाहिद कपूरचा थरारक अवतार; O Romeo चं फर्स्ट लूक पोस्टर पाहून अंगावर येईल काटा, चित्रपटाची रिलीज डेट काय?

बॉलिवूड अभिनेता शाहिद कपूर (Shahid Kapoor) सध्या त्याचा आगामी चित्रपट 'ओ रोमिओ' मुळे चांगला चर्चेत आहे. शाहिद कपूरच्या 'ओ रोमिओ' चित्रपटाचा पहिली लूक पोस्टर समोर आला आहे. यात शाहिदचे खतरनाक रुप पाहायला मिळत आहे. ज्यामुळे चित्रपट पाहण्यासाठी प्रेक्षक खूपच उत्सुक दिसत आहेत. 'ओ रोमिओ'च्या लूक पोस्टरची सोशल मीडियावर चर्चा पाहायला मिळत आहे.

'ओ रोमिओ' चित्रपटाच्या लूक पोस्टरमध्ये शाहिद कपूर रक्तबंबाळ अवस्थेत पाहायला मिळत आहे. त्याच्या शरीरावर सर्वत्र रक्त दिसत आहे. त्याच्या डोळ्यात आग आणि चेहऱ्यावर भयंकर हास्य आहे. तो मोठ्याने ओरडताना दिसत आहे. त्याच्या या पोस्टवर चाहते आणि कलाकार मंडळी कमेंट्सचा वर्षाव करत आहेत. आलिया भट्टने पोस्टवर कमेंट केली की, "या चित्रपटाची आतुरतेने वाट पाहत आहे!"

O Romeo रिलीज डेट काय?

शाहिद कपूरचा 'ओ रोमियो' (O ROMEO) चित्रपट 13 फेब्रुवारी 2026ला रिलीज होणार आहे. म्हणजे येणारा 'व्हॅलेंटाईन डे' खूप खास असणार आहे. चित्रपट अ‍ॅक्शन-थ्रिलर आणि रोमँटिक चित्रपट आहे.

O Romeo स्टार कास्ट

'ओ रोमियो' चे निर्माते विशाल भारद्वाज आहेत. 'ओ रोमियो'मध्ये शाहिद कपूरसोब तृप्ती डिमरी मुख्य भूमिकेत झळकणार आहे. तसेच चित्रटात खूप तगडी स्टारकास्ट पाहायला मिळणार आहे. यात दिग्गज अभिनेते नाना पाटेकर , रणदीप हुडा , दिशा पटानी आणि फरीदा जलाल यांचा समावेश आहे. चाहते आता टीझरची उत्सुकतेने वाट पाहत आहेत.