Aishwarya Narkar Dance Video: ऐश्वर्या नारकर यांच्या 'अंगात वारं भरलं या...'; अभिनेत्रीच्या डान्सचं नेटकऱ्यांनी केलं तोंडभरून कौतुक

Aishwarya Narkar Dance Viral Video

‘सातव्या मुलीची सातवी गोष्ट’ची सध्या सोशल मीडियावर जोरदार चर्चा होत आहे. मालिकेप्रमाणेच मालिकेतील कलाकार सुद्धा सोशल मीडियावर चर्चेत असतात. ‘सातव्या मुलीची सातवी गोष्ट’ फेम ऐश्वर्या नारकर नेहमीच सोशल मीडियावर कोणत्या ना कोणत्या कारणामुळे चर्चेमध्ये असतात. नुकतंच ऐश्वर्या नारकर यांनी एका मराठी गाण्यावर जबरदस्त डान्स करत सर्वांचेच लक्ष स्वत:कडे वेधले आहे.

नुकतंच ऐश्वर्या नारकर यांनी 'वारं भरलं या, अंगात वारं भरलं या' गाण्यावर एक रिल शेअर केला आहे. या व्हिडीओमध्ये ऐश्वर्या नारकर यांच्या सौंदर्याची नेटकऱ्यांकडून जोरदार चर्चा होत आहे. हा व्हिडीओ शेअर करताना, ऐश्वर्या यांनी 'Vibe only! Marathi vibe' असं कॅप्शन देत हा व्हिडीओ शेअर केला आहे. नेहमीच सोशल मीडियावर ऐश्वर्या नारकर आणि त्यांचे पती अविनाश नारकर वेगवेगळ्या रिल्स शेअर करत असतात.

त्यांच्या ह्या व्हिडीओवर नेटकऱ्यांकडून संमिश्र प्रतिक्रिया मिळत आहेत. "मॅडम आज ५३ व्या वर्षी आपला अभिनय आणि सौंदर्य एखाद्या ३० वर्षांच्या बाईला देखील लाजवेल असे आहे.. सलाम आहे. आमची आत्ताची पिढी वयाच्या ५३ ते ६० पर्यंत कशी असेल..?" अशी कमेंट एका युजरने केली आहे. (Social Media)

तर आणखी एक युजरने ऐश्वर्याच्या डान्सचे "खूप उत्तम" म्हणत कौतुक केले आहे. तर पती अविनाश नारकर आणि ऐश्वर्याची मैत्रिण तितिक्षा तावडेने मस्त मस्त म्हणत डान्सचे कौतुक केले. ऐश्वर्या नारकर यांच्या कामाविषयी सांगायचे तर, ऐश्वर्या नारकर सध्या ‘सातव्या मुलीची सातवी मुलगी’ या मालिकेमतून प्रेक्षकांच्या भेटीला येत आहेत. (Entertainment News)