Sarzameen : "यहां हर फैसला एक कुर्बानी है..."; इब्राहिम अली खानच्या 'सरजमीन'चा अंगावर काटा आणणारा ट्रेलर, पाहा VIDEO

बॉलिवूड अभिनेत्री काजोलचा (kajol ) 'माँ' चित्रपट सध्या बॉक्सवर धुमाकूळ घालत आहे. अशात आता काजोल एका नवीन चित्रपटातून प्रेक्षकांच्या भेटीला येणार आहे. काजोलच्या 'सरझमीन' (Sarzameen) चित्रपटाचा ट्रेलर नुकताच रिलीज करण्यात आला आहे. या चित्रपटात काजोलसोबत इब्राहिम अली खान (Ibrahim Ali Khan) पाहायला मिळणार आहे. तो मुख्य भूमिकेत झळकणार आहे. ट्रेलरमधील त्याच्या लूकने सर्वांचे लक्ष वेधून घेतले आहे.

धमाकेदार ट्रेलर

'सरझमीन' चित्रपटाच्या ट्रेलरमध्ये इब्राहिम अली खान रक्तबंबाळ झालेला दिसत आहे. ट्रेलरची सुरुवात बर्फाच्छिदित प्रदेशातून होताना दिसत आहे. ट्रेलरमधील इब्राहिम अली खान ॲक्शन मोडमध्ये पाहायला मिळत आहे. चित्रपटात फुल ड्रामा, ॲक्शन पाहायला मिळणार आहे.

'सरझमीन' रिलीज डेट

'सरझमीन' चित्रपटाच्या ट्रेलरला खूप हटके कॅप्शन देण्यात आले आहे. कॅप्शनमध्ये लिहिलं की, "यहाँ हर फैसला एक कुर्बानी है, देश की या अपनों की… कुछ ऐसी सरजमीं की कहानी है..." ट्रेलरवर चाहते आणि कलाकारांकडून कमेंट्स आणि लाइक्सचा वर्षाव होत आहे. सरझमीन चित्रपट 25 जुलैला प्रेक्षकांच्या भेटीला येणार आहे. हा चित्रपट जिओ हॉटस्टारवर पाहायला मिळणार आहे.

'सरझमीन' स्टारकास्ट

'सरझमीन' या चित्रपटात काजोल, इब्राहिम अली खान, साउथ सुपरस्टार पृथ्वीराज,तारा शर्मा हे कलाकार पाहायला मिळणार आहेत. 'सरजमीन' या चित्रपटाचे दिग्दर्शन केओझे इरानी यांनी केले आहे.