'बिग बॉस मराठी' (Bigg Boss Marathi) चा गेम आता अंतिम टप्प्यात येऊन ठेपला आहे. प्रत्येकजण आपला खेळ दाखवत आहेत. या आठवड्यात वाइल्ड कार्ड स्पर्धक संग्राम चौगुले अवघ्या 14 दिवसात घराबाहेर गेला आहे. दोन आठवड्यापूर्वी संग्रामची घरात एन्ट्री झाली होती.
कॅप्टन्सीच्या टास्कमध्ये त्याच्या हाताला दुखापत झाली असल्यामुळे त्याला मध्येच खेळ सोडावा लागला आहे. त्या घरातील कोणतेही काम करता येत नव्हते. तसेच त्यांच्या चांगल्या आरोग्याच्या दृष्टीने हा निर्णय घेण्यात आला. तसेच तो घरात राहीला असता तरी, कोणत्याही टास्कमध्ये भाग घेऊ शकला नसता.
या आठवड्यात भाऊचा धक्का पाहायला न मिळता 'महाराष्ट्राचा धक्का' पार पडत आहे. घरात पत्रकार परिषद आयोजित केली गेली. यात पत्रकारांनी भन्नाट प्रश्न विचारून स्पर्धकांना बोलते केले. या भागांचे सूत्रसंचालन महाराष्ट्राला हसवणाऱ्या डॉ. निलेश साबळे यांनी केलं. पत्रकार परिषदेनंतर संग्रामला (Sangram Chougule) कन्फेशन रुममध्ये बोलवण्यात आले.
'बिग बॉस'च्या घरातून बाहेर पडलेल्या संग्राम चौगुले बाहेर आल्यावर पहिली सोशल मीडियावर पोस्ट शेअर केली. यात संग्रामने लिहिलं की, "गंभीर दुखापतीमुळे मला बिग बॉस घरातून बाहेर जावं लागलं. तुम्ही दिलेल्या प्रेमाबद्दल खूप धन्यवाद! पुन्हा आपली भेट लवकर होईल. तुमच्या मिळालेल्या प्रेमामुळे मी लवकर बरा होईन. " असे म्हटलं आहे. त्याच्या या पोस्टवर चाहत्यांनी प्रेमाचा वर्षाव केला आहे. तसेच तो लवकर बरा व्हावा यासाठी शुभेच्छा दिल्या आहेत.
'बिग बॉस' डॉक्टरांच्या सल्ल्यानुसार त्याला विश्रांती घेणे महत्त्वाचे आहे. त्यामुळे तो घरातील आपली नावाची पाटी घेऊन घराबाहेर पडतो. अनेक सदस्य त्यांच्या आरोग्याची चिंता व्यक्त करतात. मात्र सध्या अरबाजला वाचवण्यासाठी संग्रामला बाहेर काढल्याची चर्चा सोशल मीडियावर चांगली रंगली आहे. या आठवड्यात संग्राम बाहेर गेल्यामुळे आज कोणाचा प्रवास संपणार किंवा सर्व सेफ होणार हे पाहणे मनोरंजक ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.