'बिग बॉस 18' मध्ये (Bigg Boss 18) रोज एक नवीन ट्विस्ट येत आहे. बिग बॉसचा हा आठवडा देखील मनोरंजनाने भरपूर होता. मात्र या आठवड्यात 'वीकेंड का वार'मध्ये सलमान खान पाहायला मिळणार नसल्यामुळे चाहते खूप नाराज आहेत. मात्र भाईजान नसला तरी घरातील सदस्यांची शाळा घेतली जात आहे. सदस्यांना खडे बोल सुनावण्यासाठी 'वीकेंड का वार' एकता कपूर (Ekta Kapoor) आणि रोहित शेट्टी (Rohit Shetty ) होस्ट करत आहेत. यांनी घरातील सदस्यांची कानउघडणी करायला सुरूवात केली आहे.
बिग बॉसने शेअर केलेल्या नवीन व्हिडीओमध्ये रोहित शेट्टी करण वीर मेहरावर (Karan Veer Mehra) भडकलेला पाहायला मिळत आहे. रोहित शेट्टी करण वीरला बोलतो की, "घरात एखादी समस्या असली तर तू त्यात लक्ष देत नाहीस. तू मागून फक्त मजा घेत असतो." तेव्हा मध्येच श्रुतिका बोलू लागते. त्यामुळे करण वीर श्रुतिकावर भडकतो. पुढे करणवीर बोलतो की, "मी कोणाच्या वैयक्तिक भांडणांमध्ये पडत नाही." यावर रोहित शेट्टी बोलतो की, "करण तुझ्या गेममुळे तुझेच नुकसान होत आहे. तू गेममध्ये दिसत नाही आहे. "
'बिग बॉस 18' च्या घरात या आठवड्यात कोण घराबाहेर जाणार याकडे प्रेक्षकांचे लक्ष लागून आहे. तर एकता कपूर आणि रोहित शेट्टी सदस्यांची कशी शाळा घेणार हे पाहणे मनोरंजक ठरणार आहे. एकता कपूरने विवियन आणि रजत दलालचा क्लास घेतला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.