Bigg Boss 18: ग्रँड फिनालेला येऊन 'या' स्पर्धकाचा पत्ता कट, नाव वाचून बसेल धक्का

आज (19 जानेवारी)ला 'बिग बॉस 18' (Bigg Boss 18) या सलमान खानच्या शोचा ग्रँड फिनाले पार पडत आहे. 'बिग बॉस 18' हा सीझन 6 ऑक्टोबरपासून प्रेक्षकांच्या भेटीला आला होता. या शोने तब्बल तीन महिने प्रेक्षकांचे मनोरंजन केले. 'बिग बॉस 18'मध्ये सुरुवातीला 18 सदस्यांनी घरात प्रवेश केला होता.

बिग बॉसच्या घरात वाइल्ड कार्ड स्पर्धक म्हणून घरात पाच सदस्यांची एन्ट्री करण्यात आली. बिग बॉसच्या ग्रँड फिनालेला 6 सदस्य गेले. त्यातील एका सदस्यांचा फिनालेला येऊन प्रवास थांबला आहे. ही सदस्य दुसरी तिसरीू कोणी नसून ईशा सिंह (Eisha Singh) आहे. बिग बॉसच्या घरातून ग्रँड फिनालेला पहिली एक्झिट ईशा सिंहची झाली आहे.

टॉप 5ची यादी

1. विवियन डिसेना

2. करणवीर मेहरा

3. अविनाश मिश्रा

4. रजत दलाल

5. चुम दरांग

ईशा सिंहने सुरूवातीपासून बिग बॉसच्या घरात आपल्या गेमने चाहत्यांची मने जिंकली होती. बिग बॉसच्या घरात ईशा आणि अविनाश मिश्राची चांगली मैत्री पाहायला मिळाली. कायम हे दोघे एकमेकांसाठी उभे राहिलेले पाहायला मिळाले. बिग बॉसच्या शेवच्या दिवसात ईशाला खूप नकारात्मक प्रतिक्रियांना सामोरे जावे लागले. मात्र तिचा चाहता वर्ग तिच्यासोबत कायम होता. तसेच अविनाशने ईशाची साथ कधीच सोडली नाही.

आता 'बिग बॉस 18'चे पाच सदस्य उरले आहेत. यातील कोणत्या सदस्याचा प्रवास येथे थांबणार आणि शेवटी ट्रॉफी कोण उचलणार, हे जाणून घेण्यासाठी चाहते आतुर झाले आहेत.