Salman Khan: २ कोटी द्या अन्यथा...; सलमान खानला पुन्हा धमकी; मुंबई पोलिसांना मेसेज

बॉलिवूडचा भाईजान सलमान खानला पुन्हा एकदा जीवे मारण्याची धमकी आली आहे. मुंबई पोलिसांच्या वाहतूक नियंत्रण कक्षाला मंगळवारी सकाळी हा धमकीचा मेसेज आला होता.सलमान खानला सतत येणाऱ्या धमक्यांमुळे आता त्याच्या सुरक्षिततेचा मोठा प्रश्न निर्माण झाला आहे. (Salman Khan Get Death Threat)

सलमान खानला जीवे मारण्याच्या धमकीचा मेसेज मुंबई पोलिसांना आला होता. मुंबई पोलिसांनी याबाबत तपास सुरु केला आहे. धमकीचा फोन करणाऱ्या व्यक्तीने २ कोटी रुपयांची मागणी केली आहे. या मेसेजमध्ये पैसे न दिल्यास सलमान खानला जीवे मारण्याचा उल्लेख करण्यात आला आहे.आता मुंबई पोलिसांना धमकीचा मेसेज यायला लागल्याने सुरक्षिततेचा मोठा प्रश्न निर्माण झाला आहे.

२ कोटी रुपये द्या नाहीतर सलमान खानला जीवे मारु, अशा आशयाचा मेसेज मुंबई पोलिस वाहतूक नियंत्रण कक्षाला आला होता. वरळी पोलिस ठाण्यात या अज्ञात व्यक्तीविरोधात ३५४ (२),३०८ (४) कलमांअंतर्गत गुन्हा दाखल करण्यात आला आहे. (Salman Khan Death Threat)

सलमान खानला पुन्हा धमकी

सलमान खानला याआधीही अनेकदा जीवे मारण्याची धमकी देण्यात आली आहे. काल अभिनेता सलमान खानसह झिशान सिद्धिकी (Zeeshan Siddiqui)यांनादेखील जीवे मारण्याची धकमी देण्यात आली आहे. शुक्रवारी झिशान सिद्धिकी यांच्या वांद्रे पूर्व येथील जनसंपर्क कार्यालयात धमकीचा फोन आला होता.दरम्यान, धमकी देणाऱ्या तरुणाला पोलिसांना नोएडातून अटक केला आहे.