Saiyaara Box Office Collection : 'सैयारा'चं वादळ 'छावा'ला पछाडणार? ६ दिवसांत केली बक्कळ कमाई

सध्या बॉक्स ऑफिसवर 'सैयारा' या प्रेमकथेची क्रेझ पाहायला मिळत आहे. मोहित सूरी दिग्दर्शित 'सैयारा' (Saiyaara)ने प्रेक्षकांना भुरळ घातली आहे. रिलीजच्या पहिल्या दिवसापासून 'सैयारा'चं शो हाऊसफुल पाहायला मिळत आहेत. 'सैयारा' चित्रपट 18 जुलैला प्रेक्षकांच्या भेटीला आला. सहा दिवसांत 'सैयारा'ने 150 कोटींचा टप्पा पार केला आहे. चित्रपटाचे सहा दिवसांचे कलेक्शन जाणून घेऊयात.

'सैयारा' चित्रपटात अनीत पड्डा (Aneet Padda) आणि अहान पांडे (Ahaan Panday) च्या केमिस्ट्रीने चारचाँद लावले आहेत. मीडिया रिपोर्टनुसार, 'सैयारा' चित्रपटाचे बजेट 40 ते 60 कोटींच्या दरम्यान आहे. 'सैयारा'ची गाणी सुपरहिट ठरली आहेत. 'सैयारा'ने टॉप 5 चित्रपटाच्या यादीत आपले स्थान मिळवले आहे. त्यामुळे भविष्यात 'सैयारा' विकी कौशलच्या 'छावा' चित्रपटाला तगडी टक्कर देणार आहे.

'सैयारा' बॉक्स ऑफिस कलेक्शन दिवस 6

• पहिला दिवस - 21 कोटी रुपये

• दुसरा दिवस - 26 कोटी रुपये

• तिसरा दिवस - 37.75 कोटी रुपये

• चौथा दिवस - 24 कोटी रुपये

• पाचवा दिवस - 25 कोटी रुपये

• सहावा दिवस - 21 कोटी रुपये

• एकूण - 153.25 कोटी रुपये

'सैयारा'ची रेकॉर्ड ब्रेक कामगिरी

'सैयारा' नं 2025 मधील सर्वाधिक कमाई करणाऱ्या टॉप 5 बॉलिवूड चित्रपटांमध्ये आपले स्थान निर्माण केले आहे. चित्रपट आता लवकरच 200 कोटींचा टप्पा पार करणार आहे. दुसऱ्या वीकेंडला चित्रपट किती कमाई करतो, हे पाहणे महत्त्वाचे ठरणार आहे.

टॉप 5 चित्रपट

• छावा - 601 कोटी रुपये

• हाउसफुल 5 - 183 कोटी रुपये

• रेड 2 - 173 कोटी रुपये

• सितारे जमीन पर - 163 कोटी रुपये

• सैयारा - 153.25 कोटी रुपये