'बिग बॉस मराठी 5' चा विजेता सूरजचं सर्वत्र कौतुक होताना पाहायला मिळत आहे. बिग बॉसला सूरजनं (Suraj Chavan) पहिल्यांदा नकार दिला होता. मात्र कालांतराने तो शो करण्यास तयार झाला. सूरज बिग बॉसमध्ये आल्यापासूनच तो बिग बॉसची ट्रॉफी जिंकणार असा विश्वास त्याला वाटत होता आणि शेवटी तसचं घडले. अनेक कलाकारांकडून त्यांच्यावर प्रेमाचा वर्षाव होत आहे.
जिनिलियाने सूरजचं कौतुक करत एक खास पोस्ट शेअर केली आहे. तिने आपल्या इंस्टाग्रामवर स्टोरी टाकत सूरजला शुभेच्छा दिल्या आहेत. तिने रितेश भाऊ सोबत सूरजचा असलेला फोटो शेअर करून खाली लिहिलं आहे की, "यातूनच स्वप्ने पूर्ण होतात, मोठी स्वप्ने पाहा...बिग बॉस मराठी 5ची ट्रॉफी तुझीच होती" असे म्हणत जिनिलियाने सूरजला शुभेच्छा दिल्या आहेत.
जिनिलियाने (Genelia Deshmukh) त्यानंतर पती रितेश देशमुखचंही (Riteish Deshmukh) कौतुक केलं आहे. तिने रितेशच्या कौतुकात लिहिलं की, "रितेश तू बेस्ट होस्ट आहेस. हा शो जबरदस्त होता, तू जा पद्धतीने शो सांभाळलास हे कमालीचं आहे. "
सूरज चव्हाणचा मोठा चाहता वर्ग आहे. त्यांनी आपल्या गुलीगत शैलीने प्रेक्षकांच्या मनावर राज्य केलं आहे. बिग बॉसमुळे त्याला खूप लोकप्रियता मिळत आहे. बिग बॉसच्या ट्रॉफी जिंकल्यावर सूरजला 14.6 लाख रुपये पारितोषिक मिळाले आहे. तो या पैशांनी स्वतःचं घर बांधणार आहे आणि या घराला तो 'बिग बॉस' असं नाव देणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.