Rashmika Mandanna Statement : रश्मिका मंदान्नाने मौन सोडले ; 80 लाखांच्या फसवणूक प्रकरणी दिले स्पष्टीकरण

Rashmika Mandanna Spoke About Fraud Rumors : अभिनेत्री आणि संपूर्ण भारताची क्रश रश्मिका मंदान्नाची फसवणूक झाल्याची सध्या चर्चा आहे. रश्मिका मंदान्नाला 80 लाख रुपयांचा गंडा घालण्यात आला असल्याचे सांगण्यात येत आहे. रश्मिकाला फसवणारी व्यक्ती अनोळखी नसून तिचा मॅनेजर होता. या प्रकरणानंतर त्याला नोकरीवरून काढून टाकले आहे.

रश्मिका मंदान्नाच्या करिअरच्या सुरुवातीपासूनच हा मॅनेजर तिच्यासोबत आहे, असे सांगण्यात येत आहे. जेव्हा ही बातमीने मीडियामध्ये पसरू लागली तेव्हा दोघांनी अधिकृत निवेदन जाहीर केले. त्या निवेदनात म्हटले आहे की, वेगळे होण्याचा निर्णय त्यांच्या स्वेच्छेने घेतल्याचे सांगण्यात आला आहे. कोणीही कोणाला काढलेले नाही. (Latest Entertainment News)

'पिंकविला'ने दिलेल्या बातमीनुसार, रश्मिका मंदान्नाची 80 लाख रुपयांची फसवणूक झाली होती. आता अधिकृत निवेदनात रश्मिका मंदान्ना आणि मॅनेजर दोघांनीही त्यांच्यामध्ये कोणतेही वैर नसल्याचे सांगितले आहे. तसेच दोघांनीही विभक्त होण्याच्या वृत्ताचे खंडन केले आहे. रश्मिका मंदान्ना आणि तिच्या मॅनेजरने सांगितले की, विभक्त होण्याचा निर्णय कोणा एकाच नाही. त्यांनी एकत्रितपणे विभक्त होण्याचे ठरविले आहे.

रश्मिकाच्या मॅनेजरने प्रसिद्ध केलेल्या निवेदनात लिहिले आहे की, 'आमच्यामध्ये कोणतेही मतभेत नाहीत. आम्ही एकत्र काम न करण्याचा निर्णय घेतला आहे. आम्ही का वेगळे होत आहोत या अफवांमध्ये तथ्य नाही. आम्ही पूर्णपणे प्रोफेशनल आहोत आणि आम्ही आतापासून स्वतंत्रपणे काम करण्याचा निर्णय घेतला आहे. रश्मिका आणि तिच्या मॅनेजरने गुरुवारी 22 जून रोजी ही घोषणा केली आहे.

काही मीडिया रिपोर्ट्समध्ये रश्मिकाला तिच्या मॅनेजरने 80 लाख रुपयांची फसवणूक केल्याचा दावा केला होता. याबाबत काही चर्चाही सुरू आहेत. यावरून तिला कोणताही वाद निर्माण करायचा नाही हे उघड आहे. त्यामुळे रश्मिका मौन बाळगून आहेत. मात्र आता निवेदनातून फसवणुकीमुळे मॅनेजरला हटवले नसल्याचे स्पष्ट केले आहे. उलट दोघांनी मिळून घेतला असल्याचे स्पष्ट केले आहे. (Celebrity)