Ramayana Movie : 31 वर्षांनंतर पुन्हा येणार 'रामायण' थिएटरमध्ये, 'या' चार भाषांमध्ये होणार प्रदर्शित

भगवान रामावर आधारित 'रामायण: द लिजेंड ऑफ प्रिन्स रामा' (Ramayana The Legend of Prince Rama) हा चित्रपट लवकरच पुन्हा एकदा प्रेक्षकांच्या भेटीला येणार आहे. हा ॲनिम चित्रपट पहिल्यांदा 1993 साली प्रदर्शित होत आहे. या चित्रपटाला प्रदर्शित होऊन 31 वर्षे पूर्ण झाली आहेत.

'रामायण: द लिजेंड ऑफ प्रिन्स रामा' हा चित्रपट 18 ऑक्टोबरला पुन्हा प्रदर्शित होणार आहे. हा चित्रपट हिंदी, तमिळ, तेलगू आणि इंग्रजी या भांषामध्ये प्रदर्शित होणार आहे. हा चित्रपट पहिल्यांदा 1993 मध्ये आंतरराष्ट्रीय चित्रपट महोत्सवात प्रदर्शित झाला होता.

मीडिया रिपोर्टनुसार, हा चित्रपट भारत (India ) -जपान (Japan) यांनी एकत्र मिळून तयार केला आहे. हा चित्रपट रामायणाचा सुंदर नमुना आहे. रामायण हे पहिले महाकाव्य आहे. गीक पिक्चर्स इंडियाने अलीकडेच चित्रपटाचा टीझर आणि पोस्टर अनावरण केले आहे. हा टीझर पाहून चाहते या चित्रपटासाठी उत्सुक आहेत.

'रामायण: द लीजेंड ऑफ प्रिन्स रामा' हा चित्रपट भारत-जपान यांनी एकत्र मिळून बनवला आहे. हा चित्रपट कोची सासाकी आणि राम मोहन यांनी दिग्दर्शित केला. या चित्रपटाला संगीत वनराज भाटिया यांनी दिले आहे. या चित्रपटाची कथा भगवान विष्णूचा अवतार असलेल्या राम यांच्यावर आधारित आहे. हा चित्रपट लहान मुलांसाठी खास मेजवानी असणार आहे. चित्रपटातून त्यांना जवळून रामायण अनुभवता येणार आहे. सध्या अनेक चित्रपट री-रिलीज होत आहेत. यात आता 'रामायण' चित्रपटाचा समावेश झाला आहे. हा चित्रपट किती कमाई करणार याकडे प्रेक्षकांचे लक्ष लागून आहे.