Rakhi Sawant Want Z Security: बॉलिवूड अभिनेत्री राखी सावंत नेहमीच चर्चेत राहणारे नाव. नेहमीच प्रकाशझोतात राहण्यासाठी काहीही करणाऱ्या राखीला केंद्र सरकारकडून Z सुरक्षा हवी आहे. बॉलिवूडचा दबंग अभिनेता सलमानला बिश्नोई गँगकडून जिवे मारण्याची धमकी आली होती. आपल्या भाईजानला धमकी मिळाल्यानंतर राखी कमालीची संतापली होती. त्यानंतर तिला सुद्धा धमकीचा मेल आला होता.
गेल्या काही महिन्यांपासून राखी बरीच चर्चेत आहे. आधी आईचे निधन, नंतर आदील खान प्रकरण यामुळे ती कमालीची चर्चेत होती. सलमानला धमकीचा मेल आल्यानंतर राखीला ही धमकीचा मेल आला होता. तिला बिश्नोई गँगच्या प्रिन्स नावाच्या सदस्याने मेल केला होता. त्या मेलमध्ये, तिला सलमानच्या वादात बोलण्याची मनाई केली होती. तिला सुद्धा जिवे मारण्याची धमकी मिळाली होती.
या सर्व घटनेनंतर राखीने गजब मागणी पंतप्रधान मोदींकडे केली आहे. नुकतेच राखीने माध्यमांसोबत संवाद साधला. यावेळी तिने पंतप्रधान मोदींकडे तिला Z सुरक्षा हवी आहे अशी मागणी केली.
इन्स्टंट बॉलिवूड या एन्टरटेन्मेंट पोर्टल सोबत बोलताना राखी म्हणते, “ मी माननीय पंतप्रधान महोदयांना भेटणार आहे. मी मोदीजींकडे माझ्या सुरक्षेसंबंधित भेटणार आहे. मला Z सुरक्षा हवी आहे. मी मोदीजींना आणि राजनाथजींना माझ्या Z सुरक्षेसाठी भेटणार आहे.” (Bollywood News)
त्यानंतर ती कंगनाच्या सुरक्षेचा हवाला देत म्हणते, “जर कंगनाला सुरक्षा मिळू शकते, तर मला का नाही? तिला कोणतीही धमकी मिळाली नसताना सुद्धा केंद्र सरकारने तिला सुरक्षा पुरवली. मला तर धमकी मिळाली आहे, माझ्याकडे मेल सहित पुरावा आहे.” असा म्हणत तिने केंद्र सरकारकडे आपल्या सुरक्षेची मागणी केली आहे. (Bollywood Actress)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
