Rajinikanth-Dhanush : रजनीकांत-धनुषच्या घरी बॉम्ब ठेवल्याची धमकी; पोलिसांकडून तातडीने कारवाई,नेमकं प्रकरण काय?

साऊथ इंडस्ट्रीतून धक्कादायक बातमी समोर आली आहे. साऊथ सुपरस्टार रजनीकांत, अभिनेता धनुष यांच्या निवासस्थानी बॉम्ब ठेवल्याची धमकी ईमेलद्वारे एका अज्ञात व्यक्तींने दिली आहे. ही धमकी तामिळनाडू पोलिस डीजीपी कार्यालयालाच्या अधिकृत ईमेल आयडीवर पाठवण्यात आली. नेमकं प्रकरण काय, जाणून घेऊयात.

रजनीकांत आणि धनुषला मिळालेल्या धमकीमुळे साऊथ इंडस्ट्रीत चिंताजनक वातावरण निर्माण झाले आहे. सोमवारी सायंकाळी ईमेल आला. ईमेल वाचताच तेयनमपेट पोलिस आणि बॉम्ब स्क्वॉड पथक रजनीकांत यांच्या घरी पोहचले. पोलिसांनी तातडीने कारवाई सुरू केली. रजनीकांत यांच्या पोएस गार्डन येथील घरी तपासणी झाली. तेव्हा रजनीकांत यांच्या सुरक्षा कर्मचाऱ्यांनी कोणतीही अनोळखी व्यक्ती घरात आली नसल्याची माहिती पोलीसांना दिली. त्यामुळे बॉम्ब ठेवल्याची धमकी खोटी असण्याचे सांगण्यात आले.

पोलिसांनी याच प्रकरणात धनुषच्या घराची देखील तपासणी केली. त्याच्याही घरी कोणताही बॉम्ब किंवा स्फोटक पदार्थ आढळले नाही. त्यामुळे ही धमकी अफवा असल्याचे स्पष्ट झाले. चेन्नईमध्ये गेल्याकाही दिवसापासून अशा मोठ्या लोकांना खोट्या धमक्या मिळत आहेत. सध्या पोलीस या प्रकरणाचा तपास घेत आहेत. नेमका ईमेल कोणी, कुठून आणि का केला? याचा शोध घेतला जात आहे.

बॉम्बच्या धमकीमुळे रजनीकांत आणि धनुष यांच्या चाहते चिंतेत आहेत. तसेच ईमेलमध्ये रजनीकांत, धनुष यांच्यासोबतच तमिळनाडू काँग्रेस नेते सेल्वापेरुंथखाई यांच्या किलपक्कम येथील घरी बॉम्ब ठेवण्यात आलेचे म्हटले होते. मात्र पोलीसांनी तेथेही तपास केला, तेव्हा सर्व सुरक्षित आढळले. त्यामुळे पोलीसांनी बॉम्बेची धमकी खोटी असल्याचे सांगितले.