इंडस्ट्रीत बॉलिवूड चित्रपटापेक्षा टॉलिवूड चित्रपट वेड लावून टाकतात हे खरं आहे. आपल्या आवडत्या कलाकाराचा चित्रपट रिलीज झाला की प्रेक्षक देखील तुफान गर्दी करतात. नुकतंच टॉलीवूडचा सुपरस्टार अल्लू अर्जुन आणि अभिनेत्री रश्मिका मंदाना यांचा पुष्पा २ चित्रपट रिलीज झाला आहे. चित्रपटाने सध्या सर्वत्र धुमाकूळ केलाय.
सांगलीच्या जत तालुक्यातील एका गावामध्ये पुष्पा 2 पाहण्यासाठी प्रेक्षकांनी गर्दी केली. चित्रपट रिलीज झाल्यानंतर सर्वच सिनेमागृह हाऊसफुल झाली होती. पण चित्रपट पाहण्यासाठी प्रेक्षकांनी तुफान गर्दी केली होती. थिएटर हाऊसफुल्ल झाल्याने तिकीट बुकिंग बंद करण्यात आले. त्यामुळे गोंधळ निर्माण झाला. काहींनी केबिनवर किरकोळ दगडफेक ही केली. मात्र तात्काळ त्या ठिकाणी पोलीस पोहचले आणि वातावरण शांत करण्यात आले. त्यानंतर चित्रपट शांततेत सुरू झाला.
यापूर्वी चित्रपट प्रदर्शित होण्यापूर्वी चित्रपटाच्या ट्रेलरला देखील प्रेक्षकांनी चांगलीच पंसती दिली होती.या चित्रपटाला प्रेक्षकांचा मोठा प्रतिसाद मिळाला आहे. चित्रपटाच्या प्रीमियर शोला प्रेक्षकांची गर्दी झाली आणि या गर्दीमध्ये अल्लु अर्जुनला भेटण्यासाठी गेलेल्या महिलेचा चेंगराचेगरीत मृत्यू झाला आहे.
मीडिया रिपोर्टनुसार, पुष्पा 2 चित्रपटाच्या प्रिमीयरला हजारो चाहते चित्रपट नाहीतर अल्लू अर्जुनला पाहण्यासाठी जमले होते. पण, तिथे प्रचंड धक्काबुक्की झाली, चेंगराचेंगरी झाली. गर्दी नियंत्रित करण्यासाठी पोलिसांना लाठीचार्ज देखील केला. त्यावेळी झालेल्या चेंगराचेंगरीत तिचा मृत्यू झाला.
अशातच पुष्पा सिनेमा नुकताच रिलीझ झाला असून चित्रपटाने बॉक्स ऑफिसवर मोठी कमाई केली आहे. पहिल्या दिवशी चित्रपटाने धुमाकूळ घातला आहे. अल्लु अर्जुन आणि रश्मिका मंदानाच्या या चित्रपटाविषयीची प्रेक्षकांची उत्सुकता आता संपली आहे. चित्रपटाच्या टीझर, ट्रेलर आणि गाण्यांने प्रेक्षकांनी वेड लावले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
