Ramesh Pardeshi : नशेतल्या तरुणींचा व्हिडिओ बनवणं पडलं महागात; 'पिट्या भाई'विरुद्ध महिला आयोगाकडे तक्रार

Ramesh Pardeshi News:

अभिनेता रमेश परदेशीने काही दिवसांपूर्वी वेताळ टेकडीवर नशेतल्या तरुणींचा व्हिडिओ सोशल मीडियावर पोस्ट केला होता. नशेत गुंग असणाऱ्या या तरुणींना कशाचंही भान नव्हतं. या नशेतील तरुणींचा व्हिडिओ मुळशी पॅटर्न फेम 'पिट्या भाई'ने सोशल मीडियावर रविवारी शेअर केला होता. याच पिट्या भाईला नशेतील तरुणींचा व्हिडिओ सोशल मीडियावर शेअर करणं महागात पडू शकतं. अभिनेता रमेश परदेशीविरुद्ध महिला आयोगात तक्रार नोंद करण्यात आली आहे. (Latest Marathi News)

पुण्याच्या कोथरूडमधील वेताळ टेकडीवर नशेत गुंग असणाऱ्या तरुणींचा व्हिडिओ अभिनेता रमेश परदेशी विरोधात राज्य महिला आयोगाकडे तक्रार करण्यात आली आहे. या प्रकरणाबाबत महिला आयोगाने चौकशी करून अहवाल पाठवावा, असा पत्र कोथरुड पोलिसांना पाठवले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नेमकं काय आहे प्रकरण?

वेताळ टेकडीवर शनिवारी सायंकाळच्या सुमारास दोन तरुणी नशेत गुंग असल्याच्या आढळल्या होत्या. या तरुणी अभिनेता रमेश परदेशीला दिसल्या. यानंतर रमेश परदेशीने या तरुणींचा व्हिडिओ कॅमेरात कैद केला होता.

रमेश परदेशीने काढलेल्या व्हिडिओमध्ये नशेत गुंग असणाऱ्या तरुणींचा चेहरा दिसत होता. रमेश परदेशीने व्हिडिओ शेअर करत मुलांची पालक आणि पुणेकरांनी ही बाब गांभीर्याने घेतली पाहिजे. अंमली पदार्थ्यांच्या विळख्यात तरुणाई बरबाद होत आहे. याचा पुणेकरांनी विचार करावा, असं आवाहन परदेशीने केलं होतं.

दरम्यान, रमेश परदेशीने नशेत गुंग असणाऱ्या तरुणींचे चेहरे ब्लर न करता व्हिडिओ सोशल मीडियावर शेअर केला होता. यानंतर रमेश परदेशीच्या व्हिडिओवर काही सकारात्मक आणि काही नकारात्मक प्रतिक्रिया दिल्या होत्या. या तरुणींचे चेहरे ब्लर न करताना व्हिडिओ सोशल मीडियावर शेअर केल्याने त्याच्यावर अनेकांनी टीका केली होती.

तर यावरूनच मुंबईतील पत्रकार नेहा पुरव यांनी अभिनेता रमेश परदेशी विरोधात महाराष्ट्र राज्य महिला आयोगाकडे तक्रार केली आहे. या प्रकरणी योग्य चौकशी करून कार्यवाही करावी. तसेच महिला आयोगाने अहवाल पाठवावा, असे पत्र कोथरुड पोलिसांनी पाठवले आहे.