Priyanka Chopra News : अभिमानास्पद ! परदेशात 'देसी गर्ल'चा सन्मान; ऑस्ट्रेलियातील 'या' प्राण्याला प्रियंका चोप्राचं नाव

प्रसिद्ध बॉलिवूड आणि हॉलिवूड अभिनेत्री प्रियंका चोप्रा परदेशात सुट्टीचा आनंदही लुटत आहे आणि शुटिंगचाही आनंद लुटत आहे. प्रियंका सध्या ऑस्ट्रेलियात ‘द ब्लफ’ चित्रपटाच्या शुटिंगमध्ये व्यग्र आहे. अभिनेत्री अनेकदा इन्स्टाग्रामवर सेटवरील फोटो आणि व्हिडिओ शेअर करत असते. नुकतंच अभिनेत्रीने ऑस्ट्रेलियातील ट्रीप दरम्यानचे काही फोटोज् शेअर केले आहेत. ही ट्रीप ती तिच्या फ्रेंड्ससोबत एन्जॉय करीत आहे. या ट्रीपमध्ये अभिनेत्रीला ऑस्ट्रेलिया सरकारकडून एक खास गिफ्ट मिळालं आहे.

अभिनेत्रीला ऑस्ट्रेलियन सरकारकडून मिळालेले गिफ्ट पाहून भारावली आहे. ऑस्ट्रेलियन सरकारने एका प्राण्याला चक्क प्रियंकाचं नाव आहे. ‘द ब्लफ’ चित्रपटाच्या शुटिंगमधून वेळ काढून अभिनेत्रीने आणि मित्र मंडळींनी फावला वेळ काढून सुट्टीचा आनंद लुटला. अभिनेत्रीने तिच्या मित्रांसोबत ऑस्ट्रेलियातील गोल्ड कोस्ट येथील पॅराडाइज कंट्रीला भेट दिली होती. यावेळी तिचं नाव कोआला प्राण्याला दिलं असल्याची माहिती वन अधिकार्‍यांनी तिला दिली. ही माहिती ऐकून अभिनेत्री आश्चर्यचकित झाली आहे.

८ महिन्यांच्या कोआला प्राण्याला प्रियंकाचं नाव देण्यात आले आहे, अशी माहिती तेथील वन अधिकाऱ्यांनी दिली आहे. प्रियंकाने बेबी कोआलासोबतचे अनेक फोटो आणि व्हिडिओ शेअर केले आहेत. "८ महिन्यांच्या कोआला जोईचे नाव माझे नाव देण्यात आले आहे. किती क्युट… या सुंदर भेटीसाठी आणि वन्यजीवांची ओळख करून दिल्याबद्दल पॅराडाईज कंट्रीचे आभार. मीरकाट्स, कोआला, कांगारू, तस्मानियन डेव्हिल आणि डिंगो! ऑस्ट्रेलियातील वन्यजीव राखीव ठेवण्यासाठी तुम्ही करत असलेल्या सर्व कामांसाठी धन्यवाद" असं कॅप्शन देत अभिनेत्रीने एक पोस्ट शेअर केली आहे.