Deool Band 2 Collection : आता परीक्षा देवाची! 'देऊळ बंद 2' पाहायला चित्रपटगृहात गर्दी, प्रवीण तरडेंनी किती कोटींचा गल्ला जमावला?

प्रवीण तरडेंचा 'देऊळ बंद 2' चित्रपट सध्या जगभरात धुमाकूळ घालत आहे. चित्रपटाने ५० कोटींचा टप्पा पार केला आहे. चित्रपटातील डायलॉग, संवाद, गाणी, अभिनय आणि चित्रपट थेट प्रेक्षकांच्या काळजाला भिडले. चित्रपटात ज्येष्ठ अभिनेते मोहन जोशींनी साकारलेली स्वामींची भूमिका चाहत्यांना आपलीशी वाटली. 'देऊळ बंद २'मध्ये शेतकरी महिला स्वामींची परीक्षा घेताना दिसत आहे. त्यामुळे चित्रपटाची टॅग लाइन 'देऊळ बंद २- आता परीक्षा देवाची' अशी आहे. चित्रपटाचे १२ दिवसांचे एकूण कलेक्शन जाणून घेऊयात.

'देऊळ बंद २' बॉक्स ऑफिस कलेक्शन दिवस १२

Sacnilk च्या रिपोर्टनुसार, १२ व्या दिवशी म्हणजे दुसऱ्या सोमवारी प्रवीण तरडेंच्या 'देऊळ बंद २' चित्रपटाने १,९८१ शोजमधून ₹२.६० कोटींचे नेट कमाई केली आहे. यामुळे आतापर्यंतचे भारतातील एकूण ग्रॉस कमाई ५४.८८ कोटी रुपयांवर पोहचली आहे. तर एकूण नेट कमाईने ४६.६५ कोटी रुपये कमावले आहे.

• 'देऊळ बंद २' दिवस १ - ३.०५ कोटी रुपये

• दिवस २ -३.११ कोटी रुपये

• दिवस ३ -५.२१ कोटी रुपये

• दिवस ४ - ६. १० कोटी रुपये

• दिवस ५ - ३. ७० कोटी रुपये

• दिवस ६ - ३.३५ कोटी रुपये

• दिवस ७ - ३.६० कोटी रुपये

• दिवस ८ - ४.५५ कोटी रुपये

• दिवस ९ - ३.१० कोटी रुपये

• दिवस १० - ५ कोटी रुपये

• दिवस ११ - ५.७५ कोटी रुपये

• दिवस १२ - २.६० कोटी रुपये

• एकूण - ४६.६५ कोटी रुपये

'देऊळ बंद २' चित्रपटातील 'देशात सगळं ओरिजनल, डुप्लिकेट फक्त शेतकरी...', '१० दिवसांत एक जरी आत्महत्या झाली तर माझं देऊळ बंद!', 'मी तुमचं अस्तित्व मान्य करेन पण, तुम्ही आधी परीक्षा द्या...' ही डायलॉग खूप गाजत आहे. चित्रपटात स्वामी शेतकरी महिलेसोबत प्रवास करताना, तिच्याशी बोलताना , शेतात, दऱ्याखोऱ्यांमध्ये, एसटीने फिरताना दिसत आहेत. चित्रपटात प्रवीण तरडे, स्नेहल तरडे आणि मोहन जोशी यांच्यासोबत महेश मांजरेकर, प्रसाद ओक, मंगेश देसाई, देवेंद्र गायकवाड,रमेश परदेशी,ओम भूतकर, सुनील अभ्यंकर, संस्कृती बालगुडे, मुकुंद वसुले, अतुल कुदले, अनिरुद्ध दिंडोरकर आणि हिृषीकेश वांबुरकर हे कलाकार झळकले आहेत.