Prajakta Mali : लाखमोलाची 'फुलवंती'; सोनं अन् चांदीनं जडवलेली प्राजक्ता माळीची साडी, किंमत ऐकून डोळे फिरतील

सध्या सर्वत्र प्राजक्ता माळीची चर्चा पाहायला मिळत आहे. नुकताच प्राजक्ताचा (Prajakta Mali) 'फुलवंती' चित्रपट प्रेक्षकांच्या भेटीला आला आहे. या चित्रपटाने बंपर कमाई केली आहे. या चित्रपटात प्राजक्ता मुख्य भूमिकेत दिसत आहे. 'फुलवंती'या चित्रपटातून प्राजक्ताने निर्मिती क्षेत्रात पदार्पण केलं आहे.

'फुलवंती' (Phullwanti) चित्रपटाच्या प्रिमियरला प्राजक्ताचा खास अंदाज पाहायला मिळाला. ती एका सुरेख पैठणीमध्ये स्पॉट झाली. एका मिडिया मुलाखतीत प्राजक्ता माळीनं साडीची किंमत सांगितली आहे. जी ऐकून तुम्हाला धक्का बसेल. प्राजक्ताने 'फुलवंती'च्या पिमियरसाठी नेसलेली साडी (Saree) तब्बल तीन लाख रुपयांची (Three lakhs) आहे. तिने खास या कार्यक्रमासाठी पैठणीची निवड केली होती. ही पैठणी सोनं आणि चांदीने जडवलेली आहे. ही साडी विणताना त्यात चांदी भरलेली आहे तर साडीला सोन्याचं लेपण केलं आहे.

तिच्या सुरेख पैठणीचा रंग केशरी होता. तिने हिरव्या रंगाचे ब्लॉऊज सोबत ही साडी नेसली होती. गळ्यात हार अन् नाकात नथ प्राजक्ताचा हा लूक पाहून चाहते घायाळ झाले. तिचे सौंदर्याने ती नेहमीच चाहत्यांच्या मनात घर करते.

'फुलवंती'ला खूप यश मिळत आहे. त्यामुळे प्राजक्ताने प्रेक्षकांचे आभार देखील मानले आहेत. प्राजक्ता अभिनयासोबतच उत्तम नृत्यांगना, कवयित्री, निवेदक आणि व्यावसायिका आहे. तिला अनेक कलागुणांनी पूर्ण आहे. तिचा 'फुलवंती' चित्रपटातील अभिनय प्रेक्षकांना खूप आवडला आहे. 'फुलवंती' चित्रपटाचे शो हाऊसफुल होत आहेत. प्रेक्षक आनंदी होऊन चित्रपटगृहातून बाहेर पडत आहेत.