Box Office Collection : 'बाहुबली' की 'थामा' संडेला कोणी मारली बाजी? 'द ताज स्टोरी'ने कमावले फक्त 'इतके' कोटी

31 ऑक्टोबरला बॉक्स ऑफिसवर दोन चित्रपट रिलीज झाले आहेत. यात परेश रावल यांचा 'द ताज स्टोरी' आणि प्रभासचा 'बाहुबली' या चित्रपटांचा समावेश आहे. 'थामा' सिनेमा 'बाहुबली'ला तगडी टक्कर देताना दिसत आहे. तसेच याआधी बॉक्स ऑफिसवर 'एक दीवाने की दीवानीयत' आणि 'कांतारा चॅप्टर १' देखील रिलीज झाला आहे. एकंदर विकेंडला रविवारी कोणत्या चित्रपटाने बाजी मारली जाणून घेऊयात. चारही सिनेमांचे कलेक्शन जाणून घेऊयात.

'द ताज स्टोरी' बॉक्स ऑफिस कलेक्शन

सॅकनिल्कच्या मीडिया रिपोर्टनुसार, 'द ताज स्टोरी'ने रिलीजच्या तिसऱ्या दिवशी म्हणजे रविवारी 2.21 कोटी रुपयांची कमाई केली आहे. तर ओपनिंग डेला 1 कोटी कमावले आहेत. तर दुसऱ्या दिवशी 1.9 कोटींचा व्यवसाय केला आहे. चित्रपटाने वीकेंडला एकूण 5.11 कोटी रुपयांची कमाई केली.

'बाहुबली द एपिक' बॉक्स ऑफिस कलेक्शन

सॅकनिल्कच्या मीडिया रिपोर्टनुसार,'बाहुबली द एपिक' चित्रपटाने रिलीजच्या तिसऱ्या दिवशी रविवारी 6.30 कोटी रुपये कमावले आहेत. चित्रपटाचे एकूण कलेक्शन तब्बल 24.35 कोटी रुपये झाले आहे.

'थामा' बॉक्स ऑफिस कलेक्शन

आयुष्मान खुराना, नवाजुद्दीन सिद्दीकी आणि रश्मिका मंदाना यांच्या 'थामा' चित्रपटाने बॉक्स ऑफिसवर 120 कोटींची कमाई केली आहे. सॅकनिल्कच्या मीडिया रिपोर्टनुसार, चित्रपटाने दुसऱ्या रविवारी 4.25 कोटी कमावले आहेत.

'एक दीवाने की दीवानीयत' बॉक्स ऑफिस कलेक्शन

'एक दीवाने की दीवानीयत' चित्रपटाने 60 कोटींच्यावर कमाई केली आहे. सॅकनिल्कच्या मीडिया रिपोर्टनुसार, चित्रपटाने रविवारी 3.75 कोटी रुपये कमावले आहेत. त्यामुळे चित्रपटाचे एकूण कलेक्शन 64.40 झाले आहे.

'कांतारा चॅप्टर १' बॉक्स ऑफिस कलेक्शन

ऋषभ शेट्टीच्या 'कांतारा चॅप्टर १' चित्रपटाने बॉक्स ऑफिसवर 610 कोटी कमावले आहेत. सॅकनिल्कच्या मीडिया रिपोर्टनुसार, चित्रपटाने रविवारी 3.25 कोटी रुपयांची कमाई केली आहे.