Vijay Andalkar: 'पिंकीचा विजय असो' मालिका फेम अभिनेता विजय आंदळकर झाला 'बाबा'

Vijay Andalkar Blessed With Baby Girl: 'पिंकीचा विजय असो' या मालिकेत युवराजची भूमिका साकारणारा अभिनेता विजय आंदळकर याने एक गोड बातमी दिली आहे. विजय बाबा झाला आहे. त्याच्या घरी चिमुकलीचं आगमन झालं आहे. विजयने सोशल मीडियावर पोस्ट करत ही बातमी शेअर केली आहे. चाहते आणि कलाकार मंडळी विजयचे अभिनंदन करत आहते.

अभिनेता विजय आंदळकर आणि अभिनेत्री रुपाली झणकर या जोडप्याने काही महिन्यापूर्वी ते आई-बाबा होणार असल्याची गोड बातमी दिली होती. सोशल मीडियाच्या माध्यमातून त्यांनी ही बातमी शेअर केली होती. ही बातमी समजताच विजय आणि रुपालीवर प्रेमाचा वर्षाव चाहत्यांनी केला होता.

विजयने 'बाप झालो.... लक्ष्मी घरी आली रे! अशी पोस्ट त्याच्या इन्स्टाग्रामवर केली आहे. तसेच काही दिवसांपूर्वी त्याने डोहाळ जेवणाचे फोटो देखील त्याच्या सोशल मीडिया अकाउंटवरून शेअर केले होते. घरी लक्ष्मी आल्याने विजय खूप आहे, असे त्याचे पोस्टवरून दिसत आहे.

विजय आणि रुपालीची भेट 'लग्नाची वाइफ आणि वेड्डिंगची बायकू' या मालिकेदरम्यान झाली होती. २१ एप्रिल २०२१ रोजी साखपुडा करत चाहत्यांना धक्का दिला होता. विजय आणि रुपालीने त्यांच्या लग्नसमारंभारतील सर्व कार्यक्रमाचे फोटो त्यांच्या सोशल मीडियावर शेअर केले होते.

विजयचे हे दुसरे लग्न आहे. विजयचे पहिले लग्न अभिनेत्री पूजा पुरंदरेशी मोठ्या थाटामाटात झाले होते. २०१७ साली दोघांचा घटस्फोट झाला. पूजा आता सहकुटुंब सहपरिवार या स्टार प्रवाहवरील मालिकेत 'पूजा'ची भूमिका साकारत आहे.