Prajakta Mali : प्राजक्ता माळी का जात नाही जीमला? तरीही इतकी फिट अँड फाईन कशी?

सध्या प्राजक्ता माळीचा (Prajakta Mali) 'फुलवंती' हा चित्रपट सिनेमागृहात धुमाकूळ घालत आहे. तिच्या अभिनयाने चाहते चांगलेच घायाळ झाले आहेत. प्राजक्ता माळी कायम सोशल मीडियावर सक्रिय असते. आपल्या वेगवेगळ्या लूकचे फोटो आणि व्हिडीओ शेअर करत राहते. तसेच ती अनेक वेळा फिटनेस संबंधितही फोटो आणि व्हिडीओ शेअर करते. प्राजक्ता आपल्या फिटनेसकडे खूप जास्त लक्ष देते.

प्राजक्ता माळी नेहमीच आपल्या फिटनेसमुळे चर्चेत असते. एका मीडिया मुलाखतीत प्राजक्तानं आपले फिटनेस सीक्रेट सांगितलं आहे. तिने सांगितलं की, "शारीरिक स्वास्थ्यामध्ये मानसिक स्वास्थ्यही समाविष्ट केलं पाहिजे. उत्तम आरोग्यासाठी मी प्राणायाम, ध्यान आणि योग ही त्रिसूत्री फॉलो करते. आम्ही चित्रपटाच्या शूटिंग दरम्यानही लवकर आल्यावर मी माझ्या टीमसोबत बसवून भ्रस्तिका करायची. चांगल्या मानसिक आणि शारीरिक आरोग्यासाठी ३० मिनिटे प्राणायाम आणि १० मिनिटे मेडिटेशन आवर्जून करावे."

प्राजक्तानं पुढे सांगितले की, " मी नियमित अष्टांगयोग करते. हा योग केल्यामुळे दम लागत नाही. कारण जेव्हा तुम्ही सायकलिंग करता, जिमला जाता आणि धावता तेव्हा तुम्हाला धाप लागते. जिमच्या मी विरोधात आहे. जिममुळे आतून शरीर तापत मात्र AC मध्ये जिम केल्यामुळे बाहेरून शरीर थंड पडते. AC मुळे शरीरातील टॉक्सिक पदार्थ बाहेर पडत नाही. यामुळे जिम करू नये. योग हे श्वासोच्छावासावर करतात. अष्टांगयोग केल्यामुळे शरीरातील आतड्यांचा चांगला व्यायाम होतो. मी १५ मिनिटांचा अष्टांगयोग करते. मी रोज ध्यान करते.