सध्या सर्वत्र 'फुलवंती'ची (Phulwanti) चर्चा पाहायला मिळत आहे. मराठी लोकप्रिय अभिनेत्री प्राजक्ता माळीचा 'फुलवंती' चित्रपट ११ ऑक्टोबरला प्रेक्षकांच्या भेटीला आला. ११पासून या चित्रपटाने बंपर कमाई केली आहे. या चित्रपटाला उत्तम प्रतिसाद मिळत आहे. प्राजक्ता माळीनं संपूर्ण महाराष्ट्राला वेड लावलं आहे. सणाच्या दिवशी दसऱ्यालाही 'फुलवंती'ला उत्तम प्रतिसाद मिळाला आहे.
प्राजक्ता माळीने (Prajakta Mali) या चित्रपटात मुख्य भूमिकेसोबतच चित्रपटाची निर्मिती देखील केली आहे. प्रत्येकाकडून 'फुलवंती'ची तुफान कौतुक होताना पाहायला मिळत आहे. प्रेक्षकांचा एवढा भन्नाट प्रतिसाद पाहून प्राजक्ता माळी भारावून गेली आहे. तिने आपल्या चाहत्यांसाठी एक खास पोस्ट सोशल मीडियावर शेअर केली आहे.
प्राजक्ताने व्हिडीओ शेअर करून रसिक प्रेक्षकांचे खूप आभार मानले आहे. तसेच 'फुलवंती'चे जवळजवळ सगळे शो हाऊसफुल झाल्याचे तिने सांगितले आहे. चित्रपटावर महाराष्ट्रातून प्रेमाचा वर्षाव होतोय असे ती म्हणाली आहे. तसेच प्राजक्ताने कॅप्शनमध्ये लिहिलं आहे की, "कृतज्ञ… फुलवंती..,सर्वत्र प्रदर्शित"
या चित्रपटात 'फुलवंती'ची भूमिका प्राजक्ता माळी तर व्यंकटध्वरी नरसिंह शास्त्री यांची भूमिका गश्मीर महाजनी यांनी साकारली आहे. या चित्रपटात तुम्हाला पेशवेकाळातील भव्यता अनुभवता येईल. 'फुलवंती' हा चित्रपट पद्मविभूषण बाबासाहेब पुरंदरे यांच्या 'फुलवंती' कादंबरीवर आधारित आहे.
प्राजक्ता माळीने आपल्या अभिनयाने आणि मनमिळावू स्वभावाने प्रेक्षकांचे मन जिंकले आहे. तिचा सोशल मीडियावर मोठा चाहता वर्ग आहे. ती कायम सोशल मीडियावर सक्रिय असते. आपल्या विविध लूकचे फोटो ती शेअर करत राहते. तिच्या अदा पाहून कायमच चाहते घायाळ होतात. तसेच प्राजक्ता अभिनयासोबत एक उत्तम गायिका आणि एक यशस्वी व्यावसायिका देखील आहे. तिची जुळून येती रेशीमगाठी मालिका प्रेक्षकांच्या खूप पसंतीस पडली. तिने अनेक हिट चित्रपट देखील केले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.